Տ.Մուկուչյան. «Տպավորություն է ստեղծվում, թե ԿԸՀ-ն իր գործառույթները պատշաճ և անկողմնակալ չի կատարել»
«ԵԱՀԿ ԺՄԻԳ դիտորդական միջանկյալ զեկույցում Ընտրական օրենսգրի դրույթները ոչ ամբողջական են ներկայացվել, որը ոչ թե միտումնավոր էր, այլ անփությության հետևանք», - այսօր ՀՀ կենտրոնական ընտրական հանձնաժողովի արտահերթ նիստի ընթացքում հայտարարեց հանձնաժողովի նախագահ Տիգրան Մուկուչյանը: Նրա խոսքով, մասնավորապես ոչ ճիշտ են ընկալվել դրույթները դիտորտական առաքելությունների ինչպես նաև քարոզչական նյութերի տարածման, նախընտրական շտաբների գործունեության տեղեկանքների ընդունման մասով:
«Խոսվում է, թե պետական կառույցների կամ տեղական ինքնակառավարման մարմինների, ինչպես նաև դպրոցների տարածքներում իրականացվում է քարոզարշավ, սակայն չի հստակեցվում, որ նման տարածքներին կից կամ նույն շենքում կարող են գտնվել նախընտրական շտաբները: Խոսելով պետական մարմնի կամ ծառայողի քարոզչական իրավասություններից՝ վկայակոչվել է ընտրական օրենսգրքի համապատասխան դրույթի միայն մի հատվածը, ըստ որի՝ արգելվում է, օրինակ, մանկավարժներին, վարչական աշխատողներին քարոզչությամբ զբաղվել` դուրս թողնելով այն հատվածը, առ այն, որ այդ արգելքը վերաբերում է աշխատանքի ժամին: Որևէ նման դեպք մինչ օրս չի արձանագրվել», - նկատեց նա:
ԿԸՀ նախագահի խոսքով` զեկույցում ճիշտ չէ արտացոլված տեղական կազմակերպություններին դիտորդական առաքելության իրավունքի տրման գործընթացը:
«Դիտորդական առաքելություն են իրականացնելու 53 կազմակերպության շուրջ 30 հազար դիտորդ, որոնցից յուրաքանչյուրը վերապատրաստվել է, ստուգարք է հանձնել, տեսնում եք չէ, ինչ մեծածավալ աշխատանք է տարվել, բացի այս, երբևէ այսքան տեղեկատվական ձեռնարկ և տեսահոլովակ չի պատրաստվել», - նշեց Տ.Մուկուչյանը:
Բանախոսը նաև նշեց, որ անհիմն է զեկույցում այն դիտարկումը, թե ինչու ԿԸՀ-ն չի զբաղվում թեկնածուների բնակության տեղեկանքների կազմման գործընթացով: «ԿԸՀ-ն պետական կառույց է և իրականացնում է իր գործառույթներն ըստ օրենսդրության», - շեշտեց նա:
Տ.Մուկուչյանի գնահատմամբ` եթե նախկինում զեկույցում մատնանշվում էին ինստիտուցիոնալ բացթողումները, այս անգամ խոսվում է միայն առաձին դեպքերի մասին: «Զեկույցում առկա չեն ինստիտուցիոնալ բնույթի լուրջ խախտումներ, զուտ առանձին դեպքեր են», - ասաց նա, նշելով, որ փոխվել է նաև զեկույցի տոնայնությունը, և որևէ խոսք չի գնում դրական տեղաշարժերի մասին:
«Տպավորություն է ստեղծվում, թե ԿԸՀ-ն իր գործառույթները պատշաճ և անկողմնակալ չի կատարել», - նշեց նա:
Լրահոս
Տեսանյութեր
Ինչո՞ւ հանկարծ ՀՀ իշխանությունները որոշեցին խլել արցախցիների կենսաթոշակային խնայողությունները
