Աշոտյանը անհամբեր սպասում է պարոն Զոլյանի էքսկլյուզիվ բացահայտումներին
«Վ.Բրյուսովի անվան պետական լեզվաբանական համալսարանի նախկին ռեկտոր Սուրեն Զոլյանի հետ կապված հարցերն այլևս չեմ մեկնաբանելու, քանի որ բոլոր պատասխաներն ու հիմնավորումները երկու կողմից հնչել են և զարմանալի է, որ մինչ այսօր խնդիրը դատական կարգով ընթացք չի ստանում»: Այս մասին այսօր ՀՀ կառավարության նիստից հետո լրագրողների հետ ճեպազրույցում ասաց Կրթության և գիտության նախարար Արեմն Աշոտյանը՝ հավելելով, որ իրենք կսպասեն դատարանին:
Հարցին, թե ինչպես է Աշոտյանը վերաբերվում Զոլյանի այն հայտարարությանը, թե ինչ որ բացահայտումներ է անելու, ԿԳ նախարարը մեկ անգամ ևս հայտարարեց, որ ոչ մի մեկնաբանություն չի տալու, բայց նշեց. «Շատ ուրախ եմ, անհամբեր սպասեք պարոն Զոլյանի էքսկլյուզիվ բացահայտումներին»:
Լրագրողները նախարարից հետաքրքվեցին, թե ինչպես է գնահատում ավարտվող քարոզարշավը, Ա. Աշոտյանը նշեց, որ չի պատրաստվում որևէ գնահատական տալ, քանի որ դրանով ինքն օրենք կխախտի: «Աշխատանքի ժամին, այն էլ՝ ՀՀ կառավարության շենքում, չեմ պատասխանի ՀՀԿ-ի և մնացած բոլոր կուսակցությունների քարոզարշավին վերաբերող հարցերին»,- ասաց նա:
Ա.Աշոտյանին լրագրողները հարցրեցին, ընտրություններից առաջ այսօր կառավարության վերջին նիստն էր և որպես նախարար վերջին անգամ է կառավարության շենքից դուրս գալիս, ինչ կարծիքի է, եթե հաջորդ՝ նոր ձևավորվող կառավարությունում ներկայացված չլինի, Ա.Աշոտյանը նշեց. «Ես Ձեր նման սրտացավ չեմ վերաբերվել իմ աշխատանքային կարգավիճակին՝ քարոզարշավից առաջ, ընթացքում և հետո, չեմ հաշվել սա վերջին անգամ է որպես այս պահին գործող նախարար, թե ոչ: Համենայնդեպս, մինչև վերջին անգամը և վերջին օրը ջանք ու եռանդ չենք խնայի ՀՀ-ի կրթության համակարգում բոլոր՝ պոպուլյար և ոչ պուպուլյար, կենսականորեն անհրաժեշտ բարեփոխումները կյանքի կոչելու համար»:
Այնուհետև ԿԳ նախարարը անդրադառնալով շրջանառվող լուրերին, թե նախարարի պաշտոնից հետո առաջիկա խորհրդարանում նրան առաջարկվելու է ՀՀԿ խմբակցության ղեկավարի պաշտոնը, Աշոտյանը պատասխանեց, որ եթե թողնի իր հիմնական աշխատանքը և սկսի մեկնաբանել «համեստիս հետ կապված» բոլոր շրջանառվող լուրերը, ապա կարծում է, որ աշխատանքային առօրյան դրանից շատ կտուժի: «Թողնեմ դա լրագրողներին, ովքեր գրում են այդ լուրերը, իսկ հետո բարի եղեք մեկնաբանել»: Իսկ նման լուրերին, ինչպես վերջում նշեց Աշոտյանը, ժպիտով է վերաբերվում:
Նախորդող` «Խորհրդանշական է, որ հեռացվում է այն բուհի ռեկտորը, որտեղ բարեփոխումների համար որոշակի դաշտ էր ձևավորվել». ՀԿ-ներ
ԱՆ. Ռեկտորի պնդումը, որ բուհական ինքնավարության պայմաններում նախարարն իրավունք չունի հանձնարարական տալ, զուրկ է իրավական հիմքից
Լրահոս
Տեսանյութեր
Կլինի այնպիսի մի շաբաթ, երբ որ այդ լուրը գուցեև ճիշտ լինի. Ավանեսյանը՝ ՔՊ-ի թիրախում լինելու մասին
