Ձեր վստահելի աղբյուրը

Ընտրությունների քվեարկության օրը (մինչև երեկոյան 23:00-ն) ընդհանուր առմամբ գլխավոր դատախազությունը 84 հաղորդում է ստացել, որոնցից յոթի մասով քրեական գործ է հարուցվել, դրանցից 5-ի մասով նախաքննությունն իրականացնելու է Հատուկ քննչական ծառայությունը, իսկ 2-ով` ոստիկանությունը:

Գլխավոր դատախազի մամլո խոսնակ Սոնա Տռուզյանը Panorama.am-ի թղթակցի հետ զրույցում տեղեկացրեց, որ մի շարք հաղորդումների քննարկումն այժմ ընթացքի մեջ է: «Դրանց ստուգման արդյունքում չի բացառվում, որ նորից քրեական գործեր հարուցվեն»,- փոխանցեց մամլո խոսնակը:

Հիշեցնենք, որ քրեական գործերից մեկի նախաքննության ընթացքը, որը վերաբերում էր Գյումրիում ընտրակաշառք բաժանելու մասին «Գալա» հեռուստաընկերության ցուցադրած տեսանյութին, Շիրակի մարզի դատախազությանը չի բավարարում: «Ոստիկանությանը հանձնարարություն էր տրվել, որ պարզվեն հանգամանքները, երեկվա դրությամբ արդյունքները գոհացուցիչ չէին, և Շիրակի մարզի դատախազությունը նորից հանձնարարություն է տվել, որ ակտիվացնեն գործողությունները», -տեղեկացրեց Սոնա Տռուզյանը:

«Գալա» հեռուստաընկերությունը մայիսի 6-ին` ժամը 20:00-ին, ցուցադրել է տեսանյութ` համաձայն որի, Գյումրի քաղաքի «Շարլ Ազնավուր»-ի անվան հրապարակում «Գազել» մակնիշի ավտոմեքենայի շուրջ հավաքված են քաղաքացիներ և ըստ հեռուստաընկերության հաղորդման` ընտրակաշառք են բաժանում:

Շիրակի մարզի դատախազությունը հանձնարարել էր մարզի ոստիկանության քննչական բաժնին նյութեր նախապատրաստել:

Ընտրակաշառք բաժանելու փաստով քրեական գործեր են հարուցվել. Տռուզյան

Շիրակի մարզի դատախազը հանձնարարել է ակտիվացնել օպերատիվ-հետախուզական միջոցառումները

Լրագրողի աշխատանքը խոչընդոտելու կապակցությամբ քրեական գործ է հարուցվել

Ընտրատեղամասերում նկարահանումներին խոչընդոտելու կապակցությամբ հարուցվել է 3 քրեական գործ