Ձեր վստահելի աղբյուրը

«Ես զրուցեցի իմ իրավաբանի հետ, և մենք եկանք որոշման, որ դատի չենք տա խմբագրությանը: Բայց կարծում եմ, որ ճիշտ կլինի, որ խմբագրությունն այդ լրագրողին ազատի աշխատանքից»,- ասուլիսում հայտարարեց երգչուհի Նունե Եսայանը` խոսելով օրերս slaq.am կայքում հրապարակված մի հոդվածի մասին, որտեղ անդրադառնալով երգչուհու` մայիսի 11-ին Ստամբուլում տված համերգին, գրված է` «Թե ինչն էր ստիպել երգչուհուն նման քայլի գնալ, պարզից էլ պարզ է` փողը: Մեր տեղեկություններով, երգչուհին մեր թշնամի պետությունում համերգ տալու դիմաց ստացել է 13 հազար ԱՄՆ դոլար»:

Հիշեցնենք, որ Նունե Եսայանը թուրքական «Hürriyet Daily News»-ին տվել էր հարցազրույց. «Լրագրողը, որ հայ էր, հարցրեց փակ սահմանների մասին, ես ել պատասխանեցի`«ես համարում եմ քաղաքականապես են փակ, բայց մեր սրտերը բաց են և արվեստը սահմաններ չի ճանաչում»: Ես արվեստագետ եմ ու երբ ասում եմ մեր, նկատի ունեմ արվեստագետների: Ես չեմ ասել թուրք և հայ բառերը, չեմ ասել, որ որ հայի սիրտը բաց է թուրքի առաջ: Նման ենթադրություն է արել slaq.am-ի լրագրողը ու գրել: Իսկ եթե լրագրողը պետք է ենթադրություն անի ու գրի, կարծում եմ, պետք է խմբագրությունը գործից ազատի նրան»,-մանրամասնեց երգչուհին: Ըստ նրա` սա «չկայացած լրագրողի քայլ է, ով ուզել է հայտնի մարդի անունով հեղինակություն ձեռք բերի, անխելք քայլ է»:

«Նա կարող էր զանգահարել, հարցնել ու նոր գրել, ոչ թե ենթադրություններ աներ»,- բացատրեց Ն. Եսայանը:
Երգչուհին հայտնեց նաև, որ երբ պոլսահայերն էլ տեղեկացան կատարվածի մասին, թե իբր` «13 հազար դոլարի համար Նունե Եսայանը թուրքի առջև սիրտ է բացում», շատ են վրդովվել, որ իրենց թուրք են անվանել ու պատրաստվում են այդ մասին գրել, անդրադառալու է նաև «Ակոս» թերթը:

Panorama.am- Թերևս կարծում ենք, որ խմբագիրը, եթե լրագրողին աշխատանքից ազատի, լրագրողն ինքը իրավունք կունենա դատի տալ խմբագրին, այնպես որ ամենայն հավանականությամբ, ճիշտ կլիներ, որ Նունե Եսայանը ինքը դիմեր դատարան ու ապացուցեր, որ լրագրողը մեղավոր է, ոչ թե խմբագրին թելադրեր, թե նա ինչ անի:

Մենք էլ, թյուրըմբռնումներից խուսափելու համար մեջբերենք երկու նախադասություն «Hürriyet Daily News»-ից և հետագա «բարդություններից» խուսափելու համար` առանց թարգմանության:

Հետաքրքիր է.
ա/ երգչուհին պնդում է, թե ինքը երբ ասում է «ՄԵՆՔ», ՄԻՇՏ նկատի ունի «ԱՐՎԵՍՏԱԳԵՏՆԵՐԻՆ», ապա արդյոք այս նախադասության (She received a proposal to appear in a joint concert with popular Turkish artist Hülya Avşar several years ago, through the Jewish community, but turned the offer down, Yesayan explained. “Of course, I would have liked [to have appeared in such a concert], but why should the Jewish community act as a mediator between two neighboring countries like Turkey and Armenia? That was what I could not get myself to accept. I do not think we should need mediators,” she said.) մեջ է՞լ է խոսվում մշակույթի մասին։

բ/ (What hurts me most deeply are the obnoxious statements [made] against us [the Armenians]. Neither the Turks nor any other nation in the world, not only ours, could accept the use of such obnoxious language,” Yesayan said…. There is no point in [harboring] enmity; new generations do not think like the old anymore. Yes, there are great scars among the Armenians in relation to the genocide, but this does not prevent us from looking toward the future,” Yesayan said.) մեջբերման մեջ, ուշադրություն դարձնելով փակագծի միջի բացատրությունը` against us [the Armenians] , կարծում ենք, որ Նունե Եսայանը պետք է պահանջի աշխատանքից հեռացնել «Hürriyet Daily News»-ին լրագրողին, կամ` նրան դատի տա:

 Նախորդիվ`  Հայ-թուրքական փակ սահմանների ու «մեր» բաց սրտերի մասին Նունե Եսայանը հայտարարել է Թուրքիայում