Ձեր վստահելի աղբյուրը

ՀՀ կրթության և գիտության նախարար Արմեն Աշոտյանը շնորհավորական խոսք է հեղել Վերջին դասի կապակցությամ, շրջանավարտներին մաղթել հաջողություններ, նորանոր ձեռքբերումներ և ամենայն բարիք:

«Ընդունեք իմ ջերմ շնորհավորանքներն ու բարեմաղթանքները դպրոցում ուսումնառության Վերջին օրվա և Վերջին դասի կապակցությամբ:
Անկասկած, բոլորիդ համար այս օրը չափազանց հիշարժան է և անմոռանալի:
Դպրոցական նստարանից է սկսվել Ձեր աշխարհաճանաչությունը, ձևավորվել են ընկերական պարզ ու անաղարտ հարաբերություններ, սովորել եք լինել ազնիվ ու բանիմաց, ստացել եք գիտելիքներ, ունեցել եք ուրախ և հուզիչ շատ պահեր:
Այսօր Դուք հրաժեշտ եք տալիս պատանեկան տարիներին, հարազատ դարձած կրթօջախին` դպրոցին և մտնում կյանքի մի նոր փուլ, որտեղ պահանջվոմ է լինել առավել լուրջ ու պատասխանատու: Սա այն պահն է, որ պետք է կատարեք ապագայի համար ճիշտ ընտրութուն և ընտրեք Զեզ համար հոգեհարազատ մասնագիտություն:

Համոզված եմ, որ թե դպրոցում և թե ուսումնառության հետագա տարիներին ստացած գիտելիքները կօգնեն, որ կյանքում Ձեզ զգաք առավել հաստատուն ու կայացած, դառնաք մեր պետության զարգացման, առաջընթացի ակտիվ մասնակիցը և հուսալի ապագայի գրավականը:

Սիրելի ուսուցիչներ, սա առանձնակի տոն է նաև Ձեզ համար: Դուք այսօր կյանք եք ուղղորդում հասուն ու կազմակերպված մի նոր սերունդ, որին փոխանցել եք Ձեր ողջ գիտելիքներն ու իմացությունները, դաստիարակել եք մեր ժողովրդի բարեկեցությանն ու երկրի առաջընթացին ձգտող քաղաքացիներ:

Ուսումնառության Վերջին օրվա և Վերջին դասի կապակցությամբ շնորհավորում եմ Հայաստանում, հեռավոր սփյուռքում, Արցախում և Ջավախքում ապրող մեր բոլոր շրջանավարտներին, ուսուցիչներին ու ծնողներին այս գեղեցիկ և անմոռանալի օրվա կապակցությամբ, մաղթում հաջողություններ, նորանոր ձեռքբերումներ և ամենայն բարիք»: