Ձեր վստահելի աղբյուրը

Փակ շուկայում նախօրեին գիշերը կատարված քանդման աշխատանքների առնչությամբ Երևանի քաղաքապետ Տարոն Մարգարյանը հանդես է եկել հայտարարությամբ, որում մասնավորապես ասվում է.

«Հարգելի համաքաղաքացիներ,
տարբեր լրատվամիջոցներով տարածված տարաբնույթ տեղեկատվության, ինչպես նաև իմ ֆեյսբուքյան էջում մայրաքաղաքի Մաշտոցի պողոտայում գտնվող թիվ 1 փակ շուկայում ընթացող աշխատանքների, շուկայի ճակատագրին վերաբերող հարցերի առնչությամբ տեղեկացնում եմ, որ շուկայում շինարարական աշխատանքներ իրականացնելու թույլտվություն Երևանի քաղաքապետարանը չի տրամադրել:

Կատարվածն առնչվում է շինարարական կառուցվածքների փլուզմանը, որոնց ամրացման նպատակով տնտեսվարողի կողմից սեփական նախաձեռնությամբ միջոցներ են ձեռնարկվել ամրացման աշխատանքներ իրականացնելու` վթարային իրավիճակներից և փլուզումից խուսափելու նպատակով:

Օրվա ընթացքում շուկայի տարածքում աշխատել է Երևանի քաղաքապետարանի և ՀՀ մշակույթի նախարարության ներկայացուցիչների մասնագիտական խումբը, որի ուսումնասիրությունների արդյունքում տրված եզրակացությունից հետո կորոշվեն հետագա քայլերը:

Եզրակացության և ձեռնարկվելիք քայլերի մասին համապատասխան տեղեկատվություն կտրամադրվի»:
Ավելի վաղ Panorama.am-ը տեղեկացրել էր, որ մայիսի 27-ին գիշերը Փակ շուկայի տանիքը քանդվել է, ինչին ի պատասխան բողոքի մեծ ալիք բարձրացավ:

Սամվել Ալեքսանյանը վատառողջ է, անգամ Ապարան չի գնացել

Ավիրված, առանց տանիքի ու օրենքի մնացած Փակ շուկան, առնետներից դժգոհ բնակիչներն ու պատմամշակութային վանդալիզմը