ՊՆ-ն ներկայացնում է վիրավորված զինծառայողների առողջական վիճակը

Հասարակություն 20:35 04/06/2012

ՊՆ-ն ներկայացնում է վիրավորված զինծառայողների առողջական վիճակը

Պաշտպանության նախարարության լրատվական ծառայությունը նոր մանրամասներ է ներկայացրել այսօր, հունիսի 4-ին հայ-ադրբեջանական սահմանի հյուսիսարևելյան հատվածում ադրբեջանական կողմի ձեռնարկած սադրիչ գործողության հետևանքով տարբեր աստիճանի հրազենային և բեկորային վիրավորումներ են ստացած ՀՀ ԶՈւ վեց զինծառայողների առողջական վիճակի մասին:

Ըստ տեղեկատվության, ավագ լեյտենանտ Մուշեղ Հարությունի Նուրբեկյանը ազդրերի և նստաշրջանի հրազենային վիրավորումներով տեղափոխվել է Վանաձորի կայազորային հոսպիտալ: Առողջական վիճակը գնահատվում է ծանր:

Սերժանտ Իգիթ Կարենի Հովհաննիսյանը կրծքավանդակի շրջանում հրազենային միջանցիկ վիրավորումով տեղափոխվել է Տավուշի կայազորային հոսպիտալ, այնուհետև` ՀՀ ՊՆ Կենտրոնական կլինիկական հոսպիտալ: Առողջական վիճակը գնահատվում է ծանր:

Շարքային Սեդրակ Սամվելի Շահբազյանը ձախ արմնկահոդի և ձախ ազդրի շրջանում հրազենային վիրավորումներով տեղափոխվել է Տավուշի կայազորային հոսպիտալ, այնուհետև` ՀՀ ՊՆ Կենտրոնական կլինիկական հոսպիտալ: Առողջական վիճակը գնահատվում է ծանր:

Շարքային Մաքսիմ Մարտինի Մելքոնյանը ձախ ազդրի շրջանում հրազենային միջանցիկ վիրավորումով տեղափոխվել է Տավուշի կայազորային հոսպիտալ: Առողջական վիճակը գնահատվում է ծանր:

Շարքային Արթուր Արտակի Մնացականյանը ծնկի, սրունքի և բազկի շրջանում հրազենային միջանցիկ վիրավորումներով տեղափոխվել է Տավուշի կայազորային հոսպիտալ, այնուհետև` ՀՀ ՊՆ Կենտրոնական կլինիկական հոսպիտալ: Առողջական վիճակը գնահատվում է ծանր:

Շարքային Կորյուն Ռոբերտի Իրիցյանը ստորին վերջույթների բազմաթիվ բեկորային վնասվածքներով տեղափոխվել է Տավուշի կայազորային հոսպիտալ: Առողջական վիճակը գնահատվում է ծանր:

Ավելի վաղ Panorama.am-ի թղթակցի հետ զրույցում ՀՀ ՊՆ ռազմաբժշկության վարչության պետ Արտաշես Փարսադանյանը տեղեկացրել էր, որ վիրավորներից 3-ին կտեղափոխեն Երևան:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: