Գյուլուզադե. Պուտինի դիրքորոշումը ԼՂ հարցում միանշանակ հայամետ է

Քաղաքական 12:15 13/06/2012

Գյուլուզադե. Պուտինի դիրքորոշումը ԼՂ հարցում միանշանակ հայամետ է

Որոշ վերլուծաբաններ հավատում են, որ հայ-ադրբեջանական սահմանում տեղի ունեցած միջադեպերը հստակ նպատակաուղղված են միջազգային միջնորդների ուշադրությունը գրավելուն: Այս մասին գրում է «Եվրասիանեթ» կազմակերպության պաշտոնական կայքը:

«Երկու երկրները 1994-ին զինադադար կնքեցին, որով վերջ տրվեց Ղարաբաղի շուրջ ստեղծված 6-ամյա պատերազմին: Երկու երկրները վերջին երկու տասնամյակների ընթացքում շարունակում են միմյանց ուղղությամբ կրակ բաց թողել, քանի որ հակամարտության կարգավորումը փակուղի է մտել:

Լեռնային Ղարաբաղի հակամարտությունը հասարակության գլխավոր թեման դարձավ ԱՄՆ Պետքարտուղար Հիլարի Քլինթոնի՝ տարածաշրջան կատարած այցելության ժամանակ, երկու երկրներում արդեն լուրեր են տարածվում, որ հնարավոր է պատերազմ վերսկսվի:

Բաքվում մի շարք վերլուծաբանները կարծում են, որ Քլինթոնի այցի ժամանակ հայ-ադրբեջանական սահմանում տեղի ունեցած միջադեպերը պատահականություն չեն, այլ մեսիջ Վաշինգտոնին, որ ԼՂ հակամարտությունը սառեցված հակամարտություն չէ և պետք է, որ Ամերիկան ավելի շատ ուշադրություն դարձնի այս խնդրին»,- նշված է հոդվածում:

«Մի շարք հանգամանքեր կան հավատալու, որ ՌԴ նորընտիր նախագահ Վ. Պուտինի դիրքորոշումը այս հարցում միանշանակ հայամետ է, այդ իսկ պատճառով Բաքուն ցանկանում է, որ ԱՄՆ-ն ավելի շատ ներգրավված լինի այս հարցում»,- նշել է ադրբեջանցի քաղաքագետ Վաֆա Գյուլուզադեն:

«Վերլուծաբան Սումարինլին հավատում է, որ Ռուսաստանը փորձում է ցույց տալ Ադրբեջանին, որ եթե Լեռնային Ղարաբաղում վերսկսվի պատերազմը, Հայաստանը միայնակ չէ:

Իր հերթին «Ատլաս» քաղաքական հետազոտությունների կենտրոնի (Բաքու) տնօրեն Էլհան Շահինօղլուն էլ նշել է, թե «Օբամայի վարչակազմը երբեք էլ մեծ ուշադրություն չի դարձրել Լեռնային Ղարաբաղի հակամարտությանը»:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: