Ձեր վստահելի աղբյուրը

Ադրբեջանում ապրող թալիշներն իրանական ժողովուրդ են, ովքեր ԽՍՀՄ փլուզումից հետո ցանկություն են հայտնել միանալ Իրանին:
Այդ մասին նշված է իրանական «Ղաֆղազ.իռ» կայքում թողարկված հոդվածում:

Իրանական աղբյուրը, անդրադառնալով հունիսի 21-ին Ադրբեջանի ազգային անվտանգության կողմից հյուսիսային թալիշների ազգային շարժման առաջնորդ Գիլալ Մամեդովի ձերբակալության փաստին, նշել է, որ թալիշ ազգային գործիչը 1993թ. Թալիշ-Մուղանյան Հանրապետության հռչակման գործընթացի ձախողումից հետո մեկնել է Ռուսաստան, իսկ այնուհետև, 12 տարի անց կրկին վերադարձել Ադրբեջան: Բաքու վերադառնալուց հետո, մինչ Մամեդովի ձերբակալությունը՝ անհայտ անձինք վերջինս սպառնացել են սպանել:

Հոդվածի հեղինակը, խոսելով թալիշների պատմության մասին, նշում է, որ թալիշներն իրանական քաղաքակրթության և մշակույթի մասն են կազմում, որոնց մի մասն ապրում է Արանում (ներկայիս Ադրբեջանի Հանրապետություն): ԽՍՀՄ փլուզումից հետո Ադրբեջանում ապրող թալիշների շրջանում Ալի Աքրամ Գումատովի գլխավորությամբ մի շարժում է ծավալվում. Ադրբեջանի թալիշները ցանկանում էին միանալ Իրանին, սակայն Բաքվի կենտրոնական իշխանության ճնշմամբ նրանց շարժումը տապալվում է:

Նախորդող տեղեկատվություն՝
Թալիշ մտավորական. Ադրբեջանում թալիշները զրկված են իրենց տարրական իրավունքներից

Իրանական կայք. Ադրբեջանի ազգային փոքրամասնություններից յուրաքանչյուրը կարող է օգտվել ինքնորոշման իրավունքից

Իրանական կայք. Ադրբեջանը թալիշների դեմ պատերազմ է հայտարարել