Ձեր վստահելի աղբյուրը

Ադրբեջանի՝ բանաստեղծ ներկայացող երկու մաքսանենգ քաղաքացիներն Իրանի օրենքների համաձայն մահապատժի կենթարկվեն:
Այդ մասին նշված է իրանական «ռաջանյուզ.քոմ» կայքում թողարկված հոդվածում:

Տեղեկատվության մեջ նշվում է, որ ադրբեջանցի երկու բանաստեղծների ձերբակալության առնչությամբ Ադրբեջանի ԱԳՆ-ի կատարած հարցմանն ի պատասխան, Իրանի արտաքին գործերի նախարարությունը հայտարարել է, որ վերջերս ձերբակալվել են Ադրբեջանի երկու քաղաքացիներ, ովքեր, համագործակցելով այդ երկրի ազգային անվտանգության ծառայության աշխատակիցների հետ, ապօրինի ճանապարհով թմրանյութեր են տեղափոխել:

Իրանական աղբյուրը նաև տեղեկացնում է, որ վերոնշյալ անձինք խոստովանել են, որ իրենք համագործակցել են Ադրբեջանի և Իսրայելի հատուկ ծառայությունների հետ և առանձնապես խոշոր չափերի թմրանյութեր տեղափոխելու մեղադրանքով, Իրանի Իսլամական Հանրապետության օրենքների համաձայն, մահապատժի կենթարկվեն:

«Ադրբեջանի հատուկ ծառայությունների համագործակցությունը մաքսանենգների հետ այն պարագայում է տեղի ունենում, երբ ընդդիմադիր լրագրողների նկատմամբ թմրանյութեր պահելու մեղադրանքով կեղծ գործեր են սարքում և յուրաքանչյուր պահի իրանցիների են մեղադրում թմրանյութեր տեղափոխելու մեջ»,-նշված է իրանական աղբյուրում:

Նախորդող տեղեկատվություն՝ Իրանական կայք. Ադրբեջանի ազգային անվտանգության ծառայությունը ներքաշված է թմրանյութերի բիզնեսի մեջ

Իրանական կայք. Ադրբեջանի ազգային անվտանգության նախարարությունը ստոր վերաբերմունքի է արժանացնում իրանցի զբոսաշրջիկներին