Ձեր վստահելի աղբյուրը

Լեռնային Ղարաբաղի «Եղնիկներ» կոչվող զորամասը, որը գտնվում է Տոնաշեն գյուղական համայնքում և ռազմավարական նշանակության դիրքեր է պահպանում, գտնվում է աշխարհի ծայրին. զորամասի հիմնական ստորաբաժանումները տեղակայված են գյուղից ու իրարից շատ հեռու, իսկ դիրքերը շատ ավելի հեռու են:

Հեքիաթային բնություն ունի Տոնաշենը. փարթամ բուսականություն, հարուստ կենդանական աշխարհ ու լեռնե~ր, լեռնե~ր, լեռնե~ր: Զորամասի, որը պաշտոնապես անվանվում է ԼՂՀ Պաշտպանության բանակի 10-րդ պաշտպանական շրջան, «Եղնիկներ» անվանումը պատահական չէ. Արցախյան պատերազմի տարիներին տոնաշենցի դպրոցահասակ մատղաշ պատանիները զենքը ձեռքներին պաշտպանել են սահմանը թշնամուց և նաև տարածքում եղնիկների առկայության պատճառով կոչվել …«եղնիկներ»:


Զորամասի հրամանատար Համլետ Սևոյանն ասում է, որ այստեղ զինվորներին արգելված է եղնիկներ սպանել: «Վատ նշան է. եթե մի եղնիկ սպանեն, փորձած ա, զորամասում մի վատ բան պատահում ա: Արգելել եմ, ընենց պետք ա անել, որ եղնիկը զինվորի ձեռքից ջուր խմի», -կենդանուն չսպանելու պատճառն է նշում Սևոյանը:

 Զորամասի գումարտակներից մեկի զորանոցն է` մաքուր, հարդարված անկողիններով. Վստահեցրին, որ ամեն օր է այսպես: Նույնիսկ, նեղացան հարցից` ամեն օ՞ր է այսպես մաքուր:

Տիգրան Կարապետյան 19 տարեկան

Դազազյան Ավետիս 19 տարեկան

Սերժանտ Մխիթար Մեհրաբյան ասաց` հրանոթի հրամանատար է

 «Եղնիկներ» նոր զորակոչված զինծառայողները` ուսումնական վարժանքի ժամանակ

Լեռների բարձունքում գտնվող գումարտակի փոքրիկ կացարանի մի հատվածը. Պատից կախված է ճաշացուցակը, մի քանի փաստաթղթեր ու դեռևս 90-ականների սկզբից բոլորիս քաջ ծանոթ նավթի լամպը:

Ավետիք Ավետիսյան, 19 տարեկան. Իր և ընկերների պատրաստած խրամատում

Հակոբյան Հրայր, կրտսեր սերժանտ, 19 տարեկան

 Արմեն Մաթևոսյան, 18 տարեկան

«Եղնիկներ»-ի գումարտակներից մեկի հրամանատարն է. Արմեն Մարտիրոսյան

Արմեն Սերոբյան, կապիտան, վաշտի հրամանատար: 7 տարի ծառայում է ու պաշտպանում «Եղնիկներ»-ի սահմանային դիրքերը: Զորամասի հրամանատարն ասում է` Արմենը մի քանի ամիս առաջ է նշանադրվել ու անմիջապես եկել է դիրքեր: «Հիմա, եթե իրան արձակուրդ չտանք, կարողա վերջը վատ լինի», -կատակում է հրամանատար Սևոյանը:

 22-ամյա կրտսեր սերժանտ Վիգեն Հովսեփյանը զեկուցում է հրամանատարին, որ հրադադարը մինչ այդ պահը չի խախտվել:

Վիգեն Հովսեփյան

 19-ամյա Էմին Օսիպյանն է, եֆրեյտոր. Հեռադիտակով հետևում է հակառակորդի անցուդարձին և իր մոտ մատյանում գրանցում տեսածը:

 Էմին Օսիպյան

 Չափինյան Աշոտ, 19 տարեկան. Դիտակետն է, որտեղ փոքր անցքից նույնպես հետևում է սահմանային անցուդարձին: Ասում է հակառակորդը իրենցից 800 մետր հեռավորության վրա է

 Բախշյան Կարո, ավագ ենթասպա 13 տարի է` ծառայում է բանակում: Ծրագրում են Կարոյին գործուղել Վ. Սարգսյանի անվան ռազմական ինստիտուտ` կրթություն ստանալու համար

 Հովհաննիսյան Սահակ, գումարտակի խոհարարն է. այս զինծառայողի ձեռքերով պատրաստած թանը մի ուրիշ հաճույք էր

Բարձունքի ներքևում Գյուլիստանն է

«Եղնիկներ»-ի գումարտակներից մեկի զինծառայողները փոքրիկ բանջարանոց ունեն և իրենց ճաշի լոբին, ինչպես ասաց հրամանատարը, ստանում են հենց այստեղից:

«Եղնիկներ»-ի 2-րդ գումարտակի հրամանատարի տեղակալ, մայոր Արկադի Իսրայելյան. Շուտով անցնելու է թոշակի: Նեղսրտում է, երբ զինծառայողներն իրենց պարբերաբար անհավասարակշիռ են պահում, ինչի արդյունքում «սպաները հայտնվում են բանտերում»:
 

Արամ Գալստյան, 19 տարեկան է, գումարտակի սերժանտ, այս տարի Շուշիի ազատագրման 20-ամյակի կապակցությամբ ԼՂՀ ՊԲ հրամանատարության կողմից պարգևատրվել է

 Մարտակերտի 10-րդ դիվիզիայի մոտ արմավենի է աճել

Հ. Գ. Լրագրողների այցելությունը սահմանային դիրքեր կազմակերպել էր «Հետաքննող լրագրողներ» հասարակական կազմակերպությունը ԼՂՀ պաշտպանության նախարարության հետ ձեռք բերած պայմանավորվածության համաձայն: