Ձեր վստահելի աղբյուրը

Քիչ առաջ Աբովյան 19 հասցեում իրականացվող շինարարության հրապարակ է եկել երիտասարդ «պրարաբն» ու լրագրողներին հայտնել, թե այստեղ սրճարան է կառուցվում, որի համար իրենք ունեն անհրաժեշտ նախագիծն ու Երևանի քաղաքապետարանի շինթույլտվություն: Սակայն այս պահին շինթույլտվությունն իր մոտ չէ և նա չի կարող այն ցույց տալ լրագրողներին ու քաղաքացիական նախաձեռնության անդամներին: Այս մասին հաղորդում է Panorama.am-ի թղթակիցը:

«Պրարաբը» խոստացել է միայն զանգահարել սեփականատիրոջն ու հրավիրել շինհրապարակ` հարցերին սպառիչ պատասխան տալու համար:

Այս պահին տարածքում դադարեցված են փորման աշխատանքները. բեռնատարը հեռացել է, կարծես թե պատրաստվում է հեռանալ նաև էքսկավատորը: Շինարարներն ասել են, որ մայթը փորվել է երեկ ու այսօր էլ աշխատանքները շարունակվել են, հողը խոնավ է:

«Թռչկան» նախաձեռնության անդամ Լևոն Գալստյանը քիչ առաջ ահազանգել է ոստիկանության Կենտրոնի բաժանմունք` իրավապահներին տեղեկացնելով, որ շինարարություն է իրականացվում, իսկ կառուցապատողը շինթույլտվությունը ցույց չի տալիս:

Նախորդիվ`  «Բուտիկների» տեղը սրճարա՞ն. Աբովյանում նորից շինարարություն է