Ձեր վստահելի աղբյուրը

Ժամը 11:00-ի դրությամբ Արցախի Հանրապետության նախագահի ընտրության քվեարկությանը մասնակցել է ընտրողների 26.2 տոկոսը: Այս տվյալները հրապարակել է ԼՂԸ ԿԸՀ-ն: Նշենք, որ ընտրողների թիվը կազմում է 98.909 մարդ:

Ստեփանակերտում քվեարկությանը մասնակցել է ընտրողների 22.0%-ը, Ասկերանում` 34 %-ը, Հադրութում`32.8 %-ը, Մարտակերտում` 30.5%-ը, Շահումյանում` 37.5%-ը, Մարտունիում` 22.7 %-ը, Քաշաթաղում` 21.5%-ը, Երևանում` 86.5%-ը:

ԼՂՀ ԿԸՀ-ն քիչ առաջ հրապարկեց նաև ժամը 12-ի տվյալները, որը ներկայացնում ենք լուսանկարում:
ԼՂՀ ԿԸՀ հաղորդագրությունը քվեարկության ընթացքի վերաբերյալ կհրապարակվի յուրաքանչյուր 3 ժամը մեկ անգամ: Համաձայն գործող օրենսդրական նորմի, քվեարկության փուլը կավարտվի ժամը 20:00-ին:

Նշենք, որ կազմավորված է 274 ընտրական տեղամաս, որից մեկը Հայաստանի Հանրապեությունում Լեռնային Ղարաբաղի Հանրապետության ներկայացուցչությունում` Հայաստանի Հանրապետությունում ժամանակավորապես գտնվող կամ բնակվող Լեռնային Ղարաբաղի Հանրապետության քաղաքացիների ընտրական իրավունքի իրականացումն ապահովելու համար: