ԵՊՀ-ն աշխատում է բուհ-աշխատաշուկա, բուհ-գործատու կապի ամրապնդման ուղղությամբ

Կրթություն, գիտություն 15:37 30/08/2012

ԵՊՀ-ն աշխատում է բուհ-աշխատաշուկա, բուհ-գործատու կապի ամրապնդման ուղղությամբ

ԵՊՀ-ն դիմել էր ՀՀ բոլոր խոշոր հարկատուներին, ձեռնարկություններին, հրավիրել էր կլոր սեղան: Արձագանքել էին միայն 30-40 ընկերություններ: Ռեկտորի հրավերով այդ ընկերությունների ներկայացուցիչների հետ հանդիպման ժամանակ առաջ է քաշել կորպորատիվ համալսարանի գաղափարը: Ասուլիսում այս մասին ասաց Երևանի պետական համալսարանի ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանը, ապա նշեց, որ կորպորատիվ համալսարանի գաղափարն իրենից ներկայացնում է համալսարան-ձեռնարկություն համագործակցության ընդլայնված ֆորմատ:

Այսինքն, այդ ձեռնարկություններում պետք է կազմակերպվի ոչ միայն ուսանողների ուսումնաարտադրական պրակտիկաները, այլ նաև այդ ընկերությունների ներկայացուցիչները մասնակցեն համապատասխան կրթական ծրագրերի քննարկմանը, կազմմանը, ներկայացնեն իրենց առաջարկությունները, դիտողությունները, ինչ փոփոխություններ մտցնել:

Նրա խոսքերով` այդ ընկերությունների համապատասխան ներկայացուցիները, ովքեր ունեն որոշակի պատրաստվածություն, տվյալ մասնագիտությունն սովորող ուսանողների համար պետք է կարդան դասախոսություններ, առաջադեմ ուսանողների պրակտիկաները կազմակերպել այդ ընկերություններում: Ռեկտորի առաջարկով պետական քննությունների ժամանակ նրանք պետք է հանձնաժողովի կազմում ընդգրկվեն:

Ռ. Մարկոսյանը նշեց, որ համալսարանը բավական երկար ժամանակ աշխատում է բուհ-աշխատաշուկա, համալսարան-գործատու կապի ամրապնդման ուղղությամբ ու հենց նման համագործակցությունների շրջանակում էլ փորձում է շրջանավարտների համար աշխատանք ապահովել:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: