Ձեր վստահելի աղբյուրը

«Armenian Cyber Army»-ի` հայ հաքերների հարձակումները ադրբեջանական լրատվական կազմակերպությունների և պետական կառույցների կայքերի վրա շարունակվում են: Ադրբեջանի նախագահի կայքից հետ, դադարեցին գործել Ադրբեջանի Պետական Նավթային ընկերության,   Մշակույթի նախարարության , Կապի նախարարության , «ԱԶԹԻՎԻ»-ի ,Գերագույն դատարանի կայքերը:

Առավել զավեշտալի էր Ադրբեջանի Կապի նախարարության կայքի կոտրելու հետ կապված միջադեպը այն առումով, որ Ադրբեջանի Կապի և տեղեկատվության նախարարության օրենքի և մարդկային ռեսուրսների կառավարման վարչության պետ Բախտիար Մամեդովը հայտարարեց, որ ոչ միայն Կապի և տեղեկատվության նախարարությունը, այլ նաև համապատասխան կառույցները պետք է լուրջ քայլեր ձեռնարկեն:

«Ցանկացած կառույց պետք է առավել ուշադիր վերաբերվի իր տեղեկատվական ռեսուրսներին, քայլեր ձեռնարկի: Ցանկացած տեղեկատվական ռեսուրսի վրա պետք է լինի պաշտպանիչ սարք, որպեսզի հեշտ չլինի այն կոտրել: Ադրբեջանում տեղեկատվական ռեսուրսների անվտանգությունը պաշտպանվում է ոչ միայն օրենսգրքով, այլ նաև պետական հատուկ ծառայության կողմից: Տարատեսակ պետական կառույցների ինտերնետ ռեսուրսներ հատուկ ծառայության կողմից վերահսկվում են: Կարծում եմ, Ծառայությունը լուրջ քայլեր է ձեռնարկում նաև հաքերային հարձակումներից պաշտպանվելու համար»,- նշել էր  Բախտիար Մամեդովը: