Ձեր վստահելի աղբյուրը

«Ռեալի» հարձակվող Քրիշտիանու Ռոնալդուն Իսպանիայի առաջնության 3-րդ տուրում «Գրանադայի» նկատմամբ 3:0 հաշվով տոնած հաղթանակից հետո հայտարարել է, որ մադրիդյան թիմում խաղալն իր համար հարմարավետ չէ:

«Ես երջանիկ չեմ «Ռեալում»,- խաղից հետո հայտարարել է Ռոնալդուն:- Ուստի չնշեցի «Գրանադայի» դարպասը խփած գոլերը: Ակումբում գիտեն իմ վիճակի պատճառների մասին: Դա ոչ մի կերպ կապված չէ այն հանգամանքի հետ, որ Ինյեստան ճանաչվել է Եվրոպայի լավագույն ֆուտբոլիստ, և դրա մասին ես մտադիր չեմ ավելին ասել: Դրանից ավելի կարևոր բաներ կան: Մարդիկ ակումբում ամեն ինչ գիտեն, և ես ավելացնելու բան չունեմ: Այժմ կմիանամ Պորտուգալիայի հավաքականին, որն սկսում է ելույթներն աշխարհի առաջնության ընտրական փուլում»:

Իսպանական AS-ը, իր հերթին, գրում է, որ պորտուգալացին արդեն հանդիպել է ակումբի նախագահ Ֆլորենտինո Պերեսի հետ և խնդրել է իրեն բաց թողնել մեկ այլ թիմ: Նման որոշման համար հիմք են Քրիշտիանու Ռոնալդուի և նրա խաղընկերների ոչ լավ հարաբերությունները:

Ընթացիկ մրցաշրջանի մեկնարկից առաջ Ռոնալդուն թիմում ընկերներ ուներ` Մարսելոն, Ֆաբիու Կոենտրաուն և Պեպեն, բայց նրանց հետ հարաբերություններն էլ են սրվեցին:

Հիշեցնենք, որ Քրիշտիանուի պայմանագրի ժամկետը կլրանա 2015 թ.: Այսօրվա դրությամբ նա տարեկան 10 մլն եվրո աշխատավարձ է ստանում: