Ձեր վստահելի աղբյուրը

Այն, որ Ա1+-ի «Այբ-Ֆե» տեղեկատվական վերլուծական ծրագիրը կթողարկվի «Արմնյուզի» եթերով, մեծ ռիսկ է երկուսի համար էլ: Ասուլիսում նման կարծիք հայտնեց Internews կազմակերպության «Լրատվության այլընտրանքային ռեսուրսներ» նախագծի ղեկավար Մանանա Ասլամազյանը: Նա նշեց, որ երկու լրատվամիջոցի համար էլ սա մեծ փորձություն է, նաև քաջություն:

«Երեկվա այդ իրադարձությունը, իրոք, սենսացիոն է: Թեև մրցակիցներն են ու նաև գտնվում են դատական գործընթացի մեջ, բայց տարբեր պատճառներով նման փորձություն սկսեցին, որն անսովոր է նաև միջազգային շուկայի համար»,- ասաց նա:

Մ. Ասլամազյանը նշեց, որ երկուսի համար էլ փորձություն է, քանի որ գաղտնիք չէ, որ հասարակական ընկալմամբ Ա1+-ն ընդդիմադիր լրատվամիջոց է, թեև, ըստ նրա, վերջին տարիներին փորձում է հավասարակաշռող լինել, ուղղակի ինտերնետում զարգացման ռեսուրսները բավարար չեն: Նա զգուշացրեց, որ եթե Ա1+-ի ծրագրերը գրաքննության ենթարկվեն, ապա դա «մեծ հնարավորություն կտա» Ա1+-ին հերթական սկանդալը բարձրացնել իր անվան շուրջ և ցույց տալ, որ «Արմնյուզը» ղեկավարվում է պետության կողմից:

Նախորդող նորություն`  «Այբ-Ֆե»-ն` «Արմնյուզի» եթերում