Ձեր վստահելի աղբյուրը

«Նայեք թե ինչքան է մարդու կիլոն աշխարհքի բորսային մեջ, մենք մեր եղբայրի կյանքը կորցրինք, իսկ 2-3 միլիարդ դոլարով սպանողին առան-տարան: Պոլիտիկ մարդը մարդանման անասուն է, ուրիշ ոչինչ, և ես չեմ վախենում դա ասել, անունս գրեք, թող կարդան»,-Սաֆարովի գլխի համար հունգարաարդբեջանական գործարքին այս բնորոշումը ԱՄՆ-ում բնակվող «Armenian Navy Band» հռչակավոր խմբի ղեկավար Արտո Թունջբոյաջյանինն է:

«Ես շարունակ նամակներ եմ ստանում Հունգարիայի ժողովրդից, որոնց չեմ ճանաչում, իմ երաժշտասերներն են, բայց նրանք ամաչում են, որ հունգարացի են, ներողություն են խնդրում իրենց երկրի կաշառակեր չինովնիկների համար: Մե եղբայրն էլ Հրանտ Դինքի պես անմող զոհ դառավ նացիոանալիստի, ու երևի սա շղթայի պես բան է, իրենց ծրոգրով պիտի շարունակվի»,-ասում է Թուրքիայում ծնված և ԱՄՆ-ում բնակվող հռչակավոր երաժիշտը, ով լավ գիտե, թե ինչ է նշանակում միջավայրում թշնամու ներկայությունն ահուդողով զգալը:

Դուդուկի վարպետ, Հայաստանի ժողովրդական արտիստ Ջիվան Գասպարյանն էլ իր հերթին կեղտոտ գործարքն այսպես բնութագրեց. «Վերջին տարիներին մարդկությանը սպառնում է փողի սպիդը, էդ գիտե՞ք ինչ ծանր հիվանդություն է, դրանով տառապում են մարդիկ , որովհետև էսօր փողով կարող են ամեն ինչ առնեն- ծախեն իրանց հորն էլ, մորն էլ տունն էլ տեղն էլ, հայրենիքն էլ: Հիմա ըտենց մի բան էլ Հունգարիան ա արել, ինչ տարբերություն: Է, նրանք էլ փողով հանցագործի են ծախել»:
Արվեստագետը համոզված է. «Սարքած գործ էր: Ամեն մեկը չի, որ կարա գնա վստահ մի հայ սպանի ու իրան հետո առնեն միլիարդավոր դոլարներով»:

«Հունգարիան քանի՞ գլխանի է , որ փողով հանցագործ ծախի, էդ ի՞նչ բանա: Ու դա արել են մեկ կամ 2 հոգով, որոնք, ըստ երևույթին, ուզում են էս երկու ազգերի միջև հարաբերությունները նորից սրեն, ավելի մեծ լարվածություն մտցնեն: Ադրբեջանը տեսնում ա, որ Ղարաբաղի հացը դեռ լուծված չի, իրենք սա հատուկ անում են , որ իրանց ծողովրդին ավելի գրգռեն, դուխ տան, որ կռիվ պատերազմ անեն, էդ ա դրանց նպատակը»,-իր կարծիքն է հայտնում դուդուկի վարպետը:

Սաֆարովյան զարհուրելի պատմությունից հետո Ջիվան Գասպարյանը մտահոգված է ավելի շատ դրսում բնակվող հայերի ճակատագրով. «Սա վտանգավոր իրավիճակ է, պատկերացնու՞մ եք` ինչ ա լինելու մեր դրսի երիտասարդ տղաների հետ: Մենք պիտի մեզ շատ զգոն պահենք, ուշադիր լինենք ամեն քայլափոխին, դրանք մարդակեր են, իրանց սերունդին սպանել-մորթել են սովորեցնում, ոչ թե հայերիս պես՝ հարգանք մեծի, եղբայրների նկատմամբ»:
 

Նախորդող` Մտավորականները կոչ են անում հայ մարդուն. Չքնե՛ք