Ձեր վստահելի աղբյուրը

Եվրոպայի Խորհրդի Խորհրդարանական Վեհաժողովում նախօրեին ադրբեջանցի ոճրագործ Ռամիլ Սաֆարովի հարցի քննարկման ընթացքում ելույթ է ունեցել Հունգարիայի ներկայացուցիչ Բիլմոս Շաբոն, ով հայտարարել է, թե իր երկում լրջորեն դատապարտում են Սաֆարովին արտահանձնելու կառավարության որոշումը: Այս մասին Ստրասբուրգից փոխանցում է «Panorama.am»-ի թղթակիցը:

«Արդեն այն ժամանակ պարզ էր, որ Սաֆարովի հանցագործությունը Բուդապեշտում ոչ միայն լուրջ զանցանք էր, այլև հանցագործություն էթնիկ անհանդուրժողականության հողի վրա: Հունգարիայի կառավարությունը որոշում էր կայացրել գործը քննել եռակողմ ձևաչափով` բանակցություններ վարելով Ադրբեջանի և Հայաստանի ներկայացուցչների հետ: Այդ քննակումները հանգեցրեցին փոխզիջման, որն էլ ընդունվեց բոլոր կողմերի կողմից. հանցագործը պետք է դատապարտվեր Հունգարիայում և իր պատիժը կրեր անյտեղ: Նրան ցմահ ազատազրկման էին դատապարտել, սակայն այժմ Հունգարիայի կառավարությունը վերադաձավ այս գործին, և Սաֆարովը արտահանձնվեց Ադրբեջան, որտեղ նրան ազգային հերոս հռչակեցին: Արտահանձման գործընթացը որոշվեց երկու պետությունների միջև, իսկ հայկական կողմի հետ խորհրդակցություններ չտարվեցին», - հայտարարել է Բիլմոս Շաբոնն ու հավելել, թե Ադրբեջանի հետ բանակցությունների ընթացքում հունգարական կողմը բավականաչափ երաշխիքների չի ապահովել առ այն, որ Սաֆարովը կշարունակի իր պատժի կրումը հայրենիքը:

«Հնարավոր է ներման շնորհումը համապատասխանում միջազգային իրավունքի տառին, սակայն ոչ ոգուն», - ասել է հունգարացին:

«Հունգարացի սոցիալ-դեմոկրատները համաձայն չեն կառավարության որոշման հետ, ինչպես նաև հանցագործի հետագա ազատ արձակման հետ: Մենք դա գնահատում ենք որպես սխալ և անպատասխանատու քայլ: Մենք կողմ ենք Ադրբեջանի և Հուգարիայի միջև բարեդրացիական հարաբերությունների շարունակմանը, սակայն միևնույն ժամանակ խնդրում ենք հայ ժողովրդին ու Հայաստանի կառավարությանը ներել մեր երկրին այս ամենի համար», - ասել է պատվիրակը:

Հիշեցնենք, 2004 թ-ին ադրբեջանցի մարդասպան Սաֆարովը Բուդապեշտում ՆԱՏՕ-ի «Համագործակցություն հանուն խաղաղության» ծրագրի շրջանակներում անցկացվող անգլերենի դասընթացներին քնած ժամանակ կացնով սպանել էր հայ սպա Գուրգեն Մարգարյանին և հունգարական արդարադատության կողմից դատապարտել ցմահ ազատազրկման: 2012թ-ին Հունգարիան արտահանձնեց նրան Ադրբեջան, որտեղ այդ երկրի նախագահը նրան ներում շնորհեց ու ազատ արձակեց:
Սաֆարովի արտահանձնման կապակցությամբ ՀՀ նախագահ Սերժ Սարգսյանը հայտարարել էր Հունգարիայի հետ դիվանագիտական հարաբերությունների և բոլոր պաշտոնական շփումների դադարեցման մասին:
Սաֆարովի արտահաձնումն ու ազատ արձակումը դատապարտել են ԱՄՆ նախագահ Բարաք Օբաման, Պետքարտուղարությունը, Ռուսաստանի և Ֆրանսիայի ԱԳ գերատեսչությունները, ԵԽ-ն, ԵՄ-ը, ՆԱՏՕ-ն, ՀԱՊԿ-ը և միջազգային մի շարք իրավապաշտպան կազմակերպություններ: Սեպտեմբերի 13-ին Եվրախորհրդարանը Սաֆարովի գործով բանաձև է ընդունել: