Ձեր վստահելի աղբյուրը

Ավարտվել են այս տարվա դպրոցականների առարկայական միջազգային օլիմպիադաները, որտեղ Հայաստանի աշակերտները սահմանել են յուրահատուկ ռեկորդ անկախ Հայաստանի պատմության մեջ՝ միջազգային օլիմպիադաներում նվաճելով 16 մեդալ:

ԿԳՆ մամուլի ծառայությունից մանրամասնում են, որ 2012 թվականին «Մաթեմատիկա», «Ֆիզիկա», «Կենսաբանություն», «Քիմիա», «Ինֆորմատիկա» և «Աստղագիտություն» առարկաների գծով առարկայական միջազգային օլիմպիադաներին մասնակցել է 29 հայ դպրոցական` նվաճելով 16 մեդալ` 1 ոսկի, 2 արծաթ, 13 բրոնզ և 5 գովասանագիր:

Առհասարակ, բոլոր առարկաների գծով այս տարի հայ օլիմպիականները գրավել են մրցանակային տեղեր: Ի դեպ, 2003 թվականին հայ աշակերտները նվաճել են 11, 2004 թվականին համապատասխանաբար`14, 2005–ին` 10, 2006-ին` 5, 2007-ին` 8, 2008-ին` 5, 2009-ին` 7, 2010-ին` 7 և 2011-ին` 6 մեդալ:

Այսպիսով, 2012 թվականի գիտելիքի հայ դեսպաններն ու մերօրյա հերոսներն են`
Մաթեմատիկա
Մինասյան Էդգար- արծաթ, ֆիզմաթ դպրոց,
Քոսյան Արտյոմ- բրոնզ, ֆիզմաթ դպրոց,
Մնացականյան Գևորգ- բրոնզ, Վանաձորի Էվրիկա Վարժարան,

Ֆիզիկա
Ավետիսյան Վարդան-բրոնզ, ֆիզմաթ դպրոց,
Գևորգյան Վիրաբ-բրոնզ, Քվանտ վարժարան

Կենսաբանություն
Ծերունյան Վարդգես- բրոնզ, ֆիզմաթ դպրոց,

Քիմիա
Գալոյան Ալեքսեյ-բրոնզ, Քվանտ վարճարան,
Չիթչյան Դավիթ-բրոնզ, Քվանտ վարճարան,
Ղահրամանյան Վահե-բրոնզ, ֆիզմաթ դպրոց,
Գրիգորյան Լիլիթ-բրոնզ, Ա.Շիրակացու ճեմարան,

Ինֆորմատիկա
Մամիկոնյան Տիգրան-բրոնզ, ֆիզմաթ դպրոց,
Հարությունյան Հրայր-բրոնզ, Գորիսի թ.4 ավագ դպրոց,

Աստղագիտություն
Մարտիրոսյան Գևորգ -ոսկի, ֆիզմաթ դպրոց,
Ասլանյան Արսեն- արծաթ, Երևանի ՀՊՃՀ ավագ դպրոց,
Մամբրեյան Վարդգես- բրոնզ, ֆիզմաթ դպրոց,
Բաբախանովա Սիրանուշ- բրոնզ, ֆիզմաթ դպրոց: