Ձեր վստահելի աղբյուրը

Թուրքիայի վարչապետ Ռեջեփ Էրդողանը հայտնվել է քաղաքական վակումում: Այս մասին գրում է «Pravda.ru» պարբերականը:

«Այն ժամանակ, երբ պաշտոնական Անկարան փորձում է «պարել ԱՄՆ-ի դուդուկի տակ», Թուրքիայում քաղաքական ճգնաժամ ու հասարակության դժգոհություն է հասունանում: Մարդիկ արդեն փողոց են դուրս գալիս: Միևնույն ժամանակ Թուրքիայի վարչապետ Էրդողանը գտնվում է քաղաքական մեկուսացման մեջ` «կռվել» է գրեթե բոլոր հարևանների հետ, կորցրել է երկրի ներսում աջակցությունը և անգամ վատթարացել հարաբերությունները Մոսկվայի հետ:

Թուրքիան վերջին հինգ տարիների ընթացքում տարածաշրջանում լիդերի դեր էր ստանձնել, սակայն իրավիճակը փոխվել է: Միայն սեպտեմբեր ամսին գործազրկությունը այստեղ աճել է 8.4 տոկոսով: Ըստ Թուրքիայի Տուրիզմի նախարարության, երկրի այցելողների թիվը կրճատվել է 2 միլիոնով:

ԱՄՆ նախագահական ընտրությունները, Իրանի, Իսրայելի և Սիրիայի հետ աշխարհաքաղաքական բնույթի մի շարք չկարգավորված հարցերն ազդում են Թուրքիայի տնտեսական իրավիճակի վրա»,- գրում է պարբերականը:

«Ըստ վերջին տվյալների, Անկարայի հակասիրիական դիրքրոշումը Էրդողանի նախարարների կաբինետին բոնուսներ չի բերում: Ավելին վարչապետն ինքն է հասկանում, որ նա հայտնվել է քաղաքական վակումում, մնացել է ոչ միայնակ Սիրիային հարցում, այլ նաև վատթարացրել է հարաբերությունները հարևանների հետ:

Կարծես` Էրդողանն իր ներքին քաղաքականության հարցում լրիվ միայնակ է մնացել: Այսպիսով, Անկարան նաև հակամարտության մեջ է Մոսկվայի հետ` խոսքը սիրիական ինքնաթիռի հարկադիր վայրէջքի մասին է:

Այսպիսով հարց է առաջանում. ո՞ւմ է ձեռնտու թուրք-ռուսական հարաբերությունների վատթարացումը: Չնայած Ռուսաստանի հետ ռազմավարական համագործակցության, ՌԴ նախագահ Պուտինի` այդ երկիր նախատեսված այցի նախօրեին, «խափանել» է այդ հանդիպումը»,-գրում է «Pravda.ru»-ն:

Պարբերականը նաև նշում է. «Մի բան ակնհայտ է, որ Թուրքիան երբեք էլ չէր գնա նման քայլի, եթե չլիներ Վաշինգտոնի հրամանը և հովանավորությունը: Ի կատար ածելով ԱՄՆ-ի կամքը, Էրդողանի կառավարությունը, փաստացի հայտնվել է փակուղային իրավիճակում: Նա հակամարտության մեջ է մտել Ռուսաստանի հետ, իսկ ԱՄՆ-ն սիրիական ճգնաժամը լուծելու հարցում, Թուրքիային միայնակ է թողել: ԱՄՆ-ն ծրագրում է տարածաշրջանում ձևավորել «նոր աշխարհաքաղաքական լանդշաֆտ»: Իսկ ուժեղ Թուրքիան այդ ծրագրում անգամ չկա: Այդ իսկ պատճառով ԱՄՆ-ն փորձում է Թուրքիային «կռվացնել» իր բոլոր հարևանների հետ, որպեսզի վերջինս թուլանա: Եվ մինչև հիմա դա նրան հաջողվել է:

Շատ փորձագետներ կարծում են, որ եթե Էրդողանը ցանկանում է իր պաշտոնը պահել, պետք է վերջ տա «ԱՄՆ-ի դուդուկի տակ պարելուն» և չվատթարացնի հարաբերություններն իր հարևանների և ռազմավարական գործընկերների հետ, առաջին հերթին Մոսկվայի: Հակառակ դեպքում Թուրքիային մեկուսացում է սպառնում»: