Ձեր վստահելի աղբյուրը

Չնայած այն հանգամանքին, որ Արևմտյան պատժամիջոցները վնաս են հասցրել Իրանի տնտեսությանը, որոշ իրանցիներ «կաղամբի բերք» հավաքելու անվան տակ թմրանյութերի ապօրինի գործարք են կատարում, այդ թվում և ուժեղ ազդեցությամբ սինթետիկ թմրանյութեր: Այս մասին գրում է «The Washington Post» պարբերականը:

«Այս ամենը խիստ մտահոգում է Եվրոպայի և Հարավային Ասիայի ոստիկանությանն ու հատուկ ծառայություններին, քանի որ այս տարածաշրջան է գնում իրանական ծագում ունեցող բարձրորակ մեթամֆեթամին:

Թմրանյութերի հետ կապված հանցագործություններն արդեն տարածվել են նաև կովկասյան տարածաշրջանում: Այս պետությունների պաշտոնյաները հայտարարում են, որ մաքսանենգները ոստիկանության և սահմանային պարեկների հետ բախման մեջ են մտնում, շատ հաճախ էլ օգտագործում են Աֆղանստանից և Իրանից ներկրված ծանր զենքեր: Ադրբեջանի սահմանային պարեկները բառացիորեն մուկ ու կատու են խաղում մաքսանենգների հետ, որոնք իրենց գործունեությունը ծավալելու համար օգտագործում են արագաշարժ նավակներ:

Իրանն ընդունել է, որ երկիրը լուրջ թմրանյութերի հարցի առջև է կանգնել: Սակայն Իրանը տարածաշրջանում միակ երկիրը չէ, որ զբաղվում է թմրանյութերի վաճառքով: Թմրանյութերից եկող մեծ շահույթը նաև գրավել է Ռուսաստանի, Թուրքիայի և Կենտրոնական Ասիայի պետությունների հանցավոր խմբերի ուշադրությունը»,-գրում է պարբերականը:

«Ըստ տարածաշրջանային փորձագետների, Իրանի միջոցով թմրանյութերի որոշ տեսակներ հասնում են Կովկաս, որտեղ որոշ երկրների կառավարությունների թույլ, ինչպես նաև սահմանների թափանցիկ լինելու պատճառով, դյուրի ուղին է բացվում դեպի Արևմտյան Եվրոպայի թմրանյութերի շուկա:

Ադրբեջանի սահմանային ծառայության պետի տեղակալ Ֆարհադ Թագիզադեն կարծում է, որ թմրանյութերի խնդիրն ամենաիրական մարտահրավերն է ադրբեջանական անվտանգության ուժերին:

Իրանի ցամաքային սահմանի երկայնքով պարեկության իրականցումը շատ հաճախ վտանգավոր է, քանի որ հանցավոր խմբերը լավ զինված են: Վերջին ժամանակներս, առնվազն յոթ սահմանապահներ սպանվել են մաքսանենգների հետ պայքարում», -գրում է «The Washington Post»-ը:

«Դեպքեր են եղել, երբ պայթուցիկներով ծանրաբեռնված մեքենաները փորձել են ճեղքել պատնեշը: Նրանք զինված են եղել և այնպիսի սարքավորումներ են ունեցել, որոնք օգտագործում են ամերիկացիները: Պարզ է, որ այդ սարքավորումները նրանք գողացել են Իրաքում և Աֆղանստանում տեղակայված ամերիկյան զորքերից»,- այս մասին պարբերականին նշել է ադրբեջանցի պաշտոնյաներից մեկը, ով չի ցանկացել ներկայանալ:

«Ադրբեջանը նաև բողոքում է Իրանից, ինչպես և Արևմուտքը, այն բանի համար, որ Իրանի իսլամական հանրապետությունը շոու է ներկայացնում` թմրանյութերի առք ու վաճառքով զբաղվող մարդկանց պատժելու հարցում և շատ քիչ բան է անում թմրանյութերի հոսքը դադարեցնելու ուղղությամբ:

Սակայն ԱՄՆ-ն հայտարարում է, որ Իրանը ընդարձակում է իր կապերը և նոր շուկա բացում թմրանյութերի շրջանառության համար: Ավելին, ԱՄՆ-ն վախենում է Իրանում բացված բարձրորակ մեթամֆեթամին արտադրության լաբորատորիայից: Իրականում այս թմրանյութերի պահանջարկը Ւրանում շատ ավելի քիչ է, և դա է պատճառը, որ այն արտահանվում է արտասահման, հիմնականում Հարավային Ասիա և Արևմուտք: Այս երկրները լուրջ մտավախություն ունեն, որովհետև Իրանը ԱՄՆ-ում թմրանյութերի առաքման լծակ ունի»,- նշված է հոդվածում: