Ձեր վստահելի աղբյուրը

«Հայաստանի հետ հարաբերությունները ունեն հատուկ նշանակություն, որոնք հիմնավորված են թե մշակութային, և թե պատմականորեն ամրապնդված համագործակցությամբ: Այս ՀԷԿ-ի նախագիծը դրա վառ ապացույցն է»,-Մեղրիում ՀԷԿ-ի հիմարկեքի արարողության ժամանակ հայտարարեց Իրանի Իսլամական Հանրապետության էկոնոմիկայի նախարար Մաջիդ Նամջուն:

Նրա խոսքով, այսօր Իրանի էնեգետիկայի ոլորտում զգալի մաս է կազմում ՀԷԿ-երի արտադրած էլեկտրաէներգիան: Իրանի նախարարը կարևորեց ջրային դիվանագիտությունը:

ԻԻՀ էկոնոմիկայի նախարարը նաև նշեց, որ Իրանը ջրամաբարաշինության ոլորտում համագործակցության փորձ ունի իր հարևան մի քանի երկրների հետ` մասնավորապես` Թուրքմենստանի:  Մեղրիի ՀԷԿ-ը Հայաստանի հետ ընդհանուր նոր ծրագրի առաջին փորձն է:

1-1.5 տարվա ընթացքում, պաշտոնյայի փոխանցմամբ, կկատարվեն համապատասխան փորձագիտական ճշտումներ, կնախապատրաստվի նաև իրավանորմատիվային փաստաթղթերի բազան: Կարևոր է, որպեսզի ապահովվեն բոլոր անհարժեշտ պայմանները, որպեսզի նախագիծը կարողանա միջազգային բանկերից ստանալ ֆինանսական միջոցներ, հայկական կողմն էլ պետք է ներակայացնի երաշխիքներ` վարկի տրամադրման համար:

Նրա խոսքով, հիմնական աշխատանքները իրականացվելու է իրանական մասնավոր ընկերության կողմից, ՀԷԿ-ի շինաշխատանքներին կմասնակցեն նաև տեղացի հայերը: Տեխնիկական հագեցվածության առումով, նպատակահարմար է օգտագործել իրանական տեխնիկան: Շինաշխատանքները կավարտվեն հինգ տարի անց, սակայն նախարարը չբացառեց, որ այդ ժամակետը կարող փոփոխվել` կապված տեխնիկական հնարավորությունների հետ:
Նշենք, որ 2010թ հոկտեմբերի 15-ին, Երևանում ստորագրվել է պայամանգիր ՀՀ կառավարության և իրանական ներդրող «Թավան Աբ Արազ» ընկերության միջև, ըստ որի, ընկերությունը ինքնուրույն է լուծելու Մեղրի ՀԷԿ-ի կառուցման և շահագործման հետ կապված ֆինանսական միջոցների հայթայթման և կազմակերպման բոլոր հարցերը:

Մաջիդ Նամջուն նաև հաղորդեց, որ ՀԷԿ-ի շահագործումից 15 տարի անց Մեղրի ՀԷԿ-ը անհատույց փոխանցվելու է հայկական կողմին, ընդ որում համատեղ փորձարկումներով պետք է հիմնավորվի, որ փոխանցման պահին ՀԷԿ-ի էլեկտրամեխանիկական և հիդրոմեխանիկական սարքավորումները ունեն օգտակար շահագործման առնվազն 10 տարվա ռեսուրս, իսկ թունելը, ինժեներական կառույցները` առնվազն 30 տարվա:

Անդրադառնալով բնապահպանական անվտանգությանը` Մաջիդ Նամջուն նշեց, որ շինարարական աշխատանքները և շահագործումն իրականացվելու է միջազգային չափանիշներին համապատասխան, ինչ վերաբերում է Արաքսի բնապահպանական մաքրությանը, նա հայտնեց, որ վերջին տարիներին հայկական կողմը կարողացել է վերացնել աղտոտվածության իր մասնաբաժնի զգալի մասը. «Արաքսի բնապահանական անվտանգությունը պետք է ապահովված լինի տարածաշրջանի բոլոր երկրների կողմից»:

15 տարի անց հայկական կողմին ՀԷԿ-ը փոխանցելու դեպքում, ըստ էներգետիկայի և բնական պաշարների նախարար Արմեն Մովսիսյանի կանխատեսումների, այն կապահովի Հայաստանում արտադրվող էներգիայի 10-12 տոկոսը: Նշենք, որ այսօրվա դրությամբ Հայաստանում ծախսվում է շուրջ 6.5 մլրդ կիլովատ էներգիա:

Նախորդող հրապարակում`
Մեղրիի ՀԷԿ-ի առաջին քարը դրվեց