Ձեր վստահելի աղբյուրը

Հայկական բանակի նախկին զինվորը, որը հիվանդության պատճառով ժամկետից շուտ զորացրվել էր և բուժվում էր Մոսկվայի Դմիտրի Ռոգաչովի անվան արյունաբանական ինստիտուտում, դեկտեմբերի 2-ի երեկոյան մահացել է:
Այդ մասին Panorama.am-ի թղթակցի հետ զրույցում տեղեկացրին Արթուրի հարազատները:

Նրանք տեղեկացրին նաև, որ Արթուրին այսօր երեկոյան Մոսկվա-Երևան չվերթով կտեղափոխեն Հայաստան:

Հիշեցնենք, որ Արթուր Քոչարյանը Նուբարաշենի զորամասում հիվանդացել էր սեպտեմբերի 27-ին, տեղափոխվել հիվանդանոց ինֆեկցիոն բաժանմունք` դեղնուկ ախտանիշով, որը արյան բնորոշ հիվանդությունների գունավորում է: Հարազատներն ավելի վաղ ասում էին, որ սկզբում երեխային ուշադություն չի դարձվել և հետո միայն երբ բարդություններ են առաջացել նոր տեղափոխվել է հիվանդանոց: Երևանյան բուժհիմնարկներում ասել էին, որ չեն կարող բուժել Արթուրի հիվանդությունը, և նա տեղափոխվեց Մոսկվա: Պաշտպանության նախարարությունը խոստացել էր փոխանցել զինծառայողի բուժման համար պահանջվող գումարը:

Նախորդող`
Պաշտպանության նախարարությունը ամբողջությամբ իր վրա է վերցրել Մոսկվայում զինծառայողի բուժման ծախսերը
«Ուրիշ ճար չկա». Ծանր հիվանդ զինվորի հուսահատ հայրը մեկնում է Մոսկվա