Դ.Դեսալեյն. Փախստականները չեն շտապում ՀՀ քաղաքացիություն ստանալ մի շարք նկատառումներով
«Մարտ ամսից սկսած Սիրիան ունի 440 հազար փախստական, որոնք տեղավորվել են Թուրքիայում, Լիբանանում, Իրաքում: Ընդ որում հատկանշականն այն է, որ այդ երկրների թվում թերևս միայն Թուրքիան է, որ ավելի բարվոք տնտեսական իրավիճակ ունի, մյուս երկրներում բարդ իրավիճակ է: Ըստ պաշտոնական տվյալների 5-6 հազար սիրիացիների ընդունել է նաև Հայաստանը, որոնց մեծամասնությունը իրենց ծագումով հայեր են»:
Այս մասին ՄԱԿ-ի հայաստանյան գրասենյակում հայտարարեց ՄԱԿ-ի փախստականների հարցերով գերագույն հանձնակատար Դեմթյու Դեսալեյնը:
«Էթնիկ հայ սիրիացիների կամ այլ երկրներից էթնիկ հայերի համար հարկ չկա դիմելու Հայաստանում փախստականի կարգավիճակ ստանալու համար, քանի որ նրանց երաշխավորվում է հանգիստ ապրուստը Հայաստանում: Եթե կառավարությունը նրանց գրկաբաց ընդունել է և դեպորտ չի անելու, ապա իմաստ չկա, որպեսզի նրանք դիմեն ապաստան ստանալու համար»,- անդրադառնալով այն հարցին, թե անցած ամիսների ընթացքում քանի՟ սիրիացի է դիմել ՄԱԿ-ի հայաստանյան գրասենյակին ապաստան ստանալու խնդրանքով:
Պաշտոնյան նշեց, որ Հայաստանը նախկին ԽՍՀՄ երկրներից առաջինն էր, որ անդամակցեց փաստականների հետ կապված հռչակագրերի միջազգային ակումբին` մասնավորապես վավերացնելով երկու կոնվենցիաներ: Սակայն պարոն Դեսալեյնը դժվարացավ միանշանակ պատասխանել այն հարցին, թե արդյո՞ք Հայաստանը լիովին կատարում է կոնվենցիաների դրույթները փախստականների մասով: Սակայն ընդգծեց, որ ողջունում է ՀՀ կառավարության ջանքերը, որոնք այս ուղղությամբ արվել են, քանի որ երիտասարդ հանրապետության համար դա շատ մեծ ձեռքբերում է:
«1800 անձ, որ գաղթել են Հայաստան Ադրբեջանից, մինչ օրս չեն ստացել քաղաքացիություն, բայց մենք հույս ունենք, որ երկու-երեք տարիների ընթացքում նրանք վերջապես կընդունեն քաղաքացիություն և կփակվի այս թեման»,- նշեց Դեմթյու Դեսալեյնը:
Իսկ արդյո՞ք քաղաքացիություն ընդունելով ադրբեջանահայերի խնդիրները ավարտվում են: Անդրադառնալով այս հարցին բանախոսը համաձայնեց, որ մարդիկ չեն շտապում ստանալ քաղաքացիությունը որոշ նկատառումներից ելնելով: Մասնավորապես, մտածելով, որ եթե ստանան քաղաքացիություն, ապա չեն կարողանա այլևս իրենց թողած ունեցվածքի դիմաց Ադրբեջանից փոխհատուցում ստանալ: Իսկ երիտասարդները նաև չեն շտապում, որպեսզի զինծառայություն չանցնեն:
Հայաստանում, բացի փախստականներից, կան նաև անձինք, որոնք չունեն քաղաքացիություն: Եվ դա ոչ միայն այն պատճառով, որ փախել են այլ երկրից, այլ բազմաթիվ են այն մարդիկ, ովքեր քաղաքացիությունից հրաժարվել են, որպեսզի մեկ այլ երկրի քաղաքացիություն ձեռք բերեն, սակայն չեն հաջողել և այդպես էլ մնացել առանց քաղաքացիության:
Ի դեպ, աշխարհում առանց քաղաքացիության ապրում է 12-15 մլն անձ:
Լրահոս
Տեսանյութեր
Թովմասյանը՝ Նանուշյանին. Նշել եք՝ ծրագրի իրականացումը պայմանավորված է օրենքով, բայց օրենքը չկա
