«Ոսկե գլոբուս». Հաղթել է «Օպերացիա «Արգո»» ֆիլմը, տրիումֆատորն է` «Թշվառները»

Մշակույթ 11:50 14/01/2013

Լոս Անջելեսի «Բևեռլի Հիլթոն» հյուրանոցում կայացել է «Ոսկե գլոբուս» ամենամյա մրցանակաբաշխությունը: Մրցանակաբաշխության ամենահեղինակավոր՝ «Լավագույն դրամատիկ ֆիլմ» անվանակարգում «Ոսկե գլոբուսի» է արժանացել Բեն Աֆլեքի «Օպերացիա «Արգո»» ֆիլմը: Բեն Աֆլեքը «Ոսկե գլոբուսի» է արժանացել նաև «Լավագույն ռեսժիսորական աշխատանք» անվանակարգում` նույն ֆիլմի համար:
Այս մասին հայտնում է «Նյուռու.քոմ» կայքը, որտեղ ներկայացված են բոլոր մրցանակակիրները:

«Լավագույն սցենար» անվանակարգում գլխավոր մրցանակին է արժանացել ռեժիսոր Քվենթին Տարանտինոն` «Ջանգո ազատագրվածը» ֆիլմի համար։

Մրցանակաբաշխության տրիումֆատորը Թոմ Հուփերի «Թշվառները» ֆիլմն է. արժանացել է միանգամից երեք մրցանակի` «Լավագույն կոմեդիա կամ մյուզիքլ», «Լավագույն դերասան» (Հյու Ջեքման) և «Երկրորդ պլանի լավագույն դերասանուհի» (ԱՆՆ Հեթեուեյ) անվանակարգերում, գրում է RFI-ը։

Ավստրիացի ռեժիսոր Միխայել Հանեքեի «Սեր» ֆիլմը «Ոսկե գլոբուս»-ի է արժանացել «Լավագույն օտարալեզու ֆիլմ» անվանակարգում։

«Լավագույն դերասան» (դրամա) անվանակարգում «Ոսկե գլուբուս» է տրվել Սթիվեն Սփիլբերգի «Լինքոլն» ֆիլմի գլխավոր դերակատար Դենիել Դեյ-Լյուիսն:

«Լավագույն դերասանուհի» (դրամայում նկարահանված) անվանակարգում մրցանակի է արժանացել Ջեսիկա Չեսթեյնը («Թիվ մեկ նպատակ»): «Լավագույն դերասանուհի» (կոմեդիահում կամ մյուզիքլում նկարահանված) անվանակարգում «Ոսկե գլուբուսի» է արժանացել Ջենիֆեր Լոուրենսը («Silver linings Playbook»):

«Լավագույն հեռուստաֆիլմ» անվանակարգում հաղթել է «Խաղը փոխվել է» քաղաքական ֆիլմը:

Նշենք, որ «Ոսկե գլոբուս»-ը հանձնվում է արդյունքներով 25 կատեգորիաներում՝ Հոլիվուդում հավատարմագրված արտասահմանյան լրագրողների ասոցիացիայի կողմից՝ կինեմատոգրաֆիայի և հեռուստատեսության ոլորտում նվաճումների համար:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: