Ձեր վստահելի աղբյուրը

 Ադրբեջանի միջազգային համալսարանի նախկին ռեկտոր Էլշադ Աբդուլլաևի կողմից տարածված տեսանյութերը նախագահի աշխատակազմի ղեկավար Ռամիզ Մեհդիևի մրցակիցների համար խթան հանդիսացան նրա դեմ նոր հարձակումներ կազմակերպելու համար:

Ինչպես գրում է ադրբեջանական «Ազադլիգ» թերթը, իշխանական թիմը գտնվում է անելանելի վիճակում: Թերթում նշվում է, որ նախագահ Իլհամ Ալիևի կողմից Ռամիզ Մեհդիևին 4 տեղակալներ նշանակելուց հետո սկսվել են քայլեր կատարվել իշխող «Ենի Ազերբայջան» կուսակցությունը նրա վերահսկողությունից դուրս բերելու ուղղությամբ:

Ներկայում իշխող կուսակցության վերահսկողությունը հանձնված է նախագահի տնտեսական հարցերով օգնական Ալի Ասադովին, ով ԱԱՆ-ի ղեկավար Էլդար Մահմուդովայի մտերիմ բարեկամն է: Վերջինս Փաշաևների խմբակցության անդամ է, որը դեմ է Մեհդիևին:

«Ենի Ազերբայջան» կուսակցությունը Ասադովի իրավասության տակ դնելը թշնամանքի պատճառ է դարձել, և Ադրբեջանի իշխանությունը կանգնել է Ռամիզ Մեհդիև-Ալի Ասադով ընտրության առջև: Իշխող կուսակցությունում Մեհդիևի կողմնակիցները չեն ընդունում Ալի Ասադովին, իսկ Ռամիզ Մեհդիևը համառորեն միջոցներ է ձեռնարկում կուսակցության վերահսկողությունն իր ձեռքերից բաց չթողնելու համար:

«Այս հակամարտությունը կուսակցության մի շարք անդամների և չինովնիկների դժվար դրության մեջ է դրել: Չնայած ներկայիս իրավիճակը կոնկրետ դիրքորոշում է պահանջում, նրանք դժվարանում են ընտրություն կատարել Ռամիզ Մեհդիևի և Ալի Ասադովի միջև: Ըստ եղած տեղեկատվության, «Ենի Ազերբայջան»-ի անդամներն ու չինովնիկները սպասում են այս հարցի և, ընդհանրապես, Փաշաևների հետ Ռամիզ Մեհդիևի միջև ընթացող դաժան հակամարտության հետ կապված Իլհամ Ալիևի դիրքորոշմանը: Իսկ նա առայժմ չի շտապում» -գրում է «Ազադլիգ»-ը:

Նախորդիվ`
«Ադրբեջանի վերջին քաղաքական սկանդալը նման է Շեքսպիրի ստեղծագործություններից մեկին կամ էլ մելոդրամայի» 

«Թուրան». Ժամանակն է՝ Ադրբեջանի կեղծարար իշխանությանը ասել «Давай, до свидания!» 

Ադրբեջանի իշխանական երկու կլանների միջև թեժ պայքար է սկսվել