Հայկական հարցը բռնապետական ու հայատյաց Թուրքիայում` Դինքի սպանությունից հետո
Հրանտ Դինքի սպանությունը, սպանության հետաքննությունն ու դատական գործընթացը պարզորոշ կերպով ապացուցեց այն իրողությունը, որ Թուրքիան շարունակում է մնալ հայատյաց պետություն: Անդրադառնալով Հրանտ Դինքի սպանության տարելիցին և գործի քննությանը, լրագրողների հետ համդիպման ժամանակ նման տեսակետ հայտնեց թուրքագետ Ռուբեն Մելքոնյանը:
Բանախոսը նշեց, որ Դինքի սպանությունը և դրան հաջորդած գործընթացը անհրաժեշտ է դիտարկել երեք հարթության մեջ`իրավական, քաղաքական և հասարակական:
«Իրավական առումով մենք պետք է փաստենք, որ և հետաքննությունը և ամբողջ դատական գործընթացը վերածվեց իրավական ֆարսի: Ոտնահարվեցին ամենատարրական իրավական նորմերը: Այն շղթան որը առաջարկվում էր Դինքի հարազատների փաստաբանների կողմից, այն է, գործը քննել հետևյալ տրամաբանական շղթայով` սպանությանը նախորդող գործընթացները այսինքն Դինքի նկատմամբ իրականացվելիք հալածանքները, երկրորդը` բուն սպանությունը և երրորդը` սպանությանը հաջորդած գործընթացները այդպես էլ չնդունվեց դատարանի կողմից: Գործը կարվեց այն ուղղությամբ, ըստ որի սա ընդամենը մոլեռանդ, ազգայնական երիտասարդության կողմից կազմակերպված հանցագործություն էր: Արդյունքում ոճիրի խորքային կազմակերպիչները և իրական պատվիրատուները մնացին անպատիժ: Կարևոր վկաներ, որոնք պետական բարձրաստիճան պաշտոնյաներ էին, չհարցաքննվեցին: Այդ պաշտոնյաները ոչ միայն չազատվեցին իրենց զբաղեցրած պաշտոններից այլև քաջալերվեցին պետության կողմից: Այսօր նրանք բոլորը զբաղեցնում են ավելի բարձր պաշտոններ»,- նշեց Ռուբեն Մելքոնյանը:
«Քաղաքական տեսանկյունից անհրաժեշտ է փաստել այն իրողությունը, որ Թուրքական իշխանությունները, ի դեմս վարչապետի, նախագահի և բբարձրաստիճան այն պաշտոնյաների բազմիցս հայտարարել են, որ ամեն ինչ անելու են գործի բացահայտման համար, սակայն իրականությունը այն է, որ կարևոր վկաներ, որոնք պետական բարձրաստիճան պաշտոնյաներ էին, չհարցաքննվեցին: Այդ պաշտոնյաները ոչ միայն չազատվեցին իրենց զբաղեցրած պաշտոններից այլև քաջալերվեցին պետության կողմից: Այսօր նրանք բոլորը զբաղեցնում են ավելի բարձր պաշտոններ»,- հավելեց բանախոսը:
Ինչ վերաբերում է սպանության հասարակական ազդեցությանը, ապա ըստ, բանախոսի, Դինքի մահը կատարեց շատ կարևոր քայլ` Թուրքիայում հայկական հարցի քննարկման ազատականացման գործում:
«Այսօր տպագրվող բազմաթիվ գրքերը և հոդվածները, որոնք մերկացնում են թուրքական բռնապետական իշխանությունը, Դինքի սպանությունից հետո սկսված գործընթացի արդյունք է»,- նշեց Մելքոնյանը:
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
