Գյուղապետը թեկնածուի շտաբի անդամներից գումար է պահանջել. Դատախազությունը զբաղվում է գործով

Իրավունք 18:26 29/01/2013

Գյուղապետը թեկնածուի շտաբի անդամներից գումար է պահանջել. Դատախազությունը զբաղվում է գործով

ՀՀ նախագահի թեկնածու Րաֆֆի Հովհաննիսյանի նախընտրական շտաբից օրերս Հ. Նորեյանը ահազանգել է ՀՀ ոստիկանություն և հայտնել, որ Արարատի մարզի Վանաշեն համայնքի ղեկավար Ա. Գրիգորյանը խոչընդոտում է թեկնածուի քարոզարշավը: Մասնավորապես, թեկնածուի նախընտրական շտաբի անդամները ցանկանում են քարոզչական պաստառներ փակցնել գյուղում, սակայն գյուղապետը գումար է պահանջում:

Հաղորդման հիման վրա ՀՀ ոստիկանության Արարատի բաժնում նախապատրաստվող նյութերի ընթացքում Վանաշենի գյուղապետ Ա. Գրիգորյանը բացատրություն է տվել, որ նկատելով անծանոթ անձանց, մոտեցել է` ճշտելու, թե ովքեր են: Վերջիններս ներկայացել են որպես ՀՀ նախագահի թեկնածու Րաֆֆի Հովհաննիսյանի նախընտրական շտաբի անդամներ և հայտնել, որ ցանկանում են գյուղում քարոզչական պաստառներ փակցնել: Ա. Գրիգորյանը նրանց բացատրել է պաստառներ փակցնելու կարգը, որ նախօրոք պետք է դիմում ներկայացնեն և միայն դրանից հետո պաստառները պետք է փակցնեն դրանց համար նախատեսված տեղերում:

Սակայն շտաբի անդամները չեն համաձայնել նրա հետ` հայտարարելով, որ գյուղապետը խոչընդոտում է նրանց աշխատանքը: Գյուղապետը ներկայացրել է նաև 2012թ. դեկտեմբերի 17-ի որոշումը` քարոզչական պաստառներ փակցնելու համար տեղեր /3 հասցե/ առանձնացնելու մասին:

Հ. Նորեյանը և մյուսները 25.01.2013թ դրությամբ դեռևս չեն ներկայացել` բացատրություն տալու համար: Նրանք ծանուցագրով հրավիրվել են ոստիկանության բաժին:

Գլխավոր դատախազությունից տեղեկացնում են, որ նյութերի վերջնական արդյունքների մասին կտեղեկացվի լրացուցիչ:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: