Վաղվանից Քարվաճառի ու Շոշի բնակիչներն ունեն ինտերնետից օգտվելու հնարավորություն

Հասարակություն 13:00 30/01/2013

Վաղվանից Քարվաճառի ու Շոշի բնակիչներն ունեն ինտերնետից օգտվելու հնարավորություն

Ղարաբաղ Տելեկոմը տեղեկացնում է, որ 2013 թվականի հունվարի 30-ից, Շահումյանի շրջանի Քարվաճառ քաղաքի և Ասկերանի շրջանի Շոշ գյուղի բնակիչներին հասանելի կլինի ինտերնետ ծառայությունից օգտվելու հնարավորություն:

Միաժամանակ Ղարաբաղ Տելեկոմը տեղեկացնում է, որ Քարվաճառ քաղաքի ու Հաթերք և Դրմբոն գյուղերի բաժանորդները կարող են օգտվել ընկերության ծառայությունների ողջ փաթեթից վերանորոգված և բարձր չափանիշներին համապատասխան սպասարկման կենտրոններում:

Համառոտ տեղեկատվություն Ղարաբաղ Տելեկոմի մասին
Ղարաբաղ Տելեկոմը հեռահաղորդակցության շուկայում գործում է 2002 թ. փետրվարից: Այս 11 տարիների ընթացքում ընկերությունը կառուցել է բջջային հեռախոսակապի նոր կայաններ, որոնց շնորհիվ ներկա դրությամբ հանրապետության տարածքի 95 տոկոսը ապահովված է բջջային հեռախոսակապով:

Այսօր ընկերությունը տրամադրում է բջջային, թվային ֆիքսված և անլար ֆիքսված հեռախոսակապ, ինտերնետ ծառայություն ADSL մոդեմի և օպտիկա-մանրաթելային կապի միջոցով: Այսօր արդեն մայրաքաղաք Ստեփանակերտի, Շուշի, Մարտունի, Մարտակերտ, Ասկերան, Հադրութ շրջկենտրոնների, ինչպես նաև Քարին տակ, Տող, Ճարտար, Տյաք, Վարդաշատ, Թաղուտ, Այգեստան, Կարմրակուչ, Թաղասեռ և այլ գյուղերի բնակիչներն ունեն ինտերնետից օգտվելու հնարավորություն:

Ընկերությունն ունի մի շարք նոր և պատվախնդիր ծրագրեր, որոնք գտնվում են զարգացման տարբեր փուլերում: Արդեն իսկ 2013 թ-ին այս նախագծերը կներկայացվեն հանրությանը` ծառայությունների որակը բարձրացնելու նպատակով:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: