ՀԱՐՑԱԴՐՈՒՄ. Պետությունը վարկ է վերցնում հողի համար ու այն վարձով տալիս ուրիշի
Հայաստանի տարածքի գրեթե 1/3-ը արոտավայր է, որի զգալի մասը չի օգտագործվում: Այսօր գյուղացին հարկադրված է մորթել իր անասուններին հենց արոտավայրերի բացակայության պատճառով: Հայաստանը տնտեսապես հարուստ երկիր չէ, իսկ անասնապահության, ընդհանրապես գյուղատնտեսության միջոցով հնարավոր է քիչ թե շատ հարստանալ: Սակայն…
Հայաստանը պատրաստվում է իր արոտավայրերը վարձակալությամբ տալ հարևան երկրին` Իրանին, որպեսզի վերջինս իր անասունների համար «բարենպաստ պայմաններ» ապահովի:
«Մեր արոտավայրերի մեծ մասը, հատկապես հեռագնաց, չեն օգտագործվում, որովհետև ճանապարհ չկա, կացարանատեղ չկա, կենդանիների խմելու համար ջուր չկա: Բայց կան կազմակերպությունները, որ գումար են հատկացնում այդ խնդիրները վերացնելու համար»,- Panorama.am-ի հետ զրույցում ասաց բուսաբան, գիտ. թեկնածու Կարեն Աֆրիկյանը:
Նշենք, որ խոսքը գնում է Համաշխարհային բանկի կողմից աջակցվող «Համայնքների գյուղատնտեսական ռեսուրսների կառավարման և մրցունակության» վարկային ծրագրի մասին: 250 միլիոն դոլար արժողության ծրագրի նպատակն է աջակցել անասնապահական ուղղվածություն ունեցող համայնքներին արոտագործման/ անասնապահական առավել մրցունակ ու կայուն համակարգերի ստեղծման հարցում: Կ. Աֆրիկյանի ներկայացմամբ, ով ընդգրկված է այս ծրագրում, պետք է բարեկարգվեն ճանապարհները, ստեղծվեն կացարանատեղիներ, նոր ջրելատեղեր: Ծրագրում ընդգրկված են նաև Սյունիքի արոտավայրերը, որոնք, սակայն կարող են վարձակալությամբ տրվեն իրանցիներիներին:
«Մեզ տարբեր կազմակերպություններ գալիս են օգնելու, իսկ մենք վարձով ենք տալիս: Մեզանից նրանք երես կթեքեն, թողնելու-գնալու են»,- մտահոգություն հայտնեց Կ. Աֆրիկյանը: Նրա խոսքով, այս ոլորտն անուշադրության է մատնվել խորհրդային միության փլուզումից հետո ու այդպես էլ շարունակվել է:
«Թռչնասերների կենտրոն» հասարակական կազմակերպության տնօրեն Սիլվա Ադամյանի կարծիքով էլ, արոտավայրերը, որոնք չեն տրվում գյուղացիներին, արգելանքի տակ են, «միգուցե ինչ-որ մեկի սեփականությունն է»: «Կոնկրետ չեմ կարող ասել: Բայց փաստ է, որ սոցիալական խնդիրներ են ծագում, որ մարդիկ ի վիճակի չեն լինում լիաժեքորեն օգտագործել բնական ռեսուրները»,- ասաց նա:
Նախորդող նորություններ`
Սյունիքի արոտավայրերը «կարժանանան» իրանականի ճակատագրին. Մտահոգված է իրանահայ անասնաբույժը
Հայկական կողմը չգիտի՞ ինչ անի
Սյունիքի արոտավայրերը` Իրանին. Ինչքա՞ն տարածքի, ի՞նչ գնի ու ժամկետի մասին է խոսքը
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
