Հյուսիս -Հարավ ճանապարհային միջանցք. Որքան ճանապարհն ուղիղ լինի, այնքան ՝ թանկ
Հարավային ուղղությամբ Հյուսիս -Հարավ ճանապարհային միջանցքի կառուցման հետ կապված դժվարությունները ծրագրի ամբողջական իրագործումը չեն կասեցնելու: Այս մասին panorama.am-ի լրագրողին ասաց «Հյուսիս-Հարավ ճանապարհային միջանցք ներդրումային ծրագրի իրականացման կազմակերպություն» ՊՈԱԿ-ի գլխավոր գործադիր տնօրեն Արա Հովսեփյանը: Բանախոսը նշեց, որ Սյունիքում ծրագրի իրականացման բարդությունը մեծապես կախված է տեղանքի բարդություններից, բայց տեղանքի ուսումնասիրության և առավել օպտիմալ նախագծերի համար այս պահին ֆինանսական միջոցներ են հայթայթվում:
«Ենթադրում եմ, որ Սյունիքի տեղանքի բարդության պատճառով բարդ է նաև նախագծերի ի հայտ գալը: Որպեսզի կարողանանք բանացել ֆինանսական աղբյուր հանդիսացող կազմակերպություների հետ, պետք են գոնե նախնական ուսումնասիրություններ և նախագծեր, հողերի օտարման ավելի քիչ պահանջներ», - ասաց բանախոսը:
Փարատելով հոռետեսական կանխատեսումները, թե ծրագիրը կարող է կիսատ մնալ, նա տեղեկացրեց, որ բացի Ասիական Զարգաղման բանկից՝ արդեն աշխատանքներ են տարվում մի շարք այլ ֆինանավորողներ հետ, մասնավորապես՝ Եվրոպական Ներդրումերի բանկի և Եվրասիկան զարգացման բանկի:
«Եվրասիական զարգացման բանկի հետ արդեն բանակցություններ են գնում 100 միլիոն դոլարի շուրջ: ՝ Եվրոպական Ներդրումերի բանկի հետ արդեն պայմանավորվում ենք 100 միլիոնի և պատրաստվում բանակցել ևս 100 միլիոնի շուրջ: Կապահովենք և կանենք: Սիսիանից հարավ նոր ճանապարհի կառուցումը մեծապես կախված է ֆինանսական և տեխնիկական հնարավորություններից, որքան ուղիղ և մատչելի ճանապարհ ուզենանք, այնքան ավելի թանկ այն կլինի, քանի որ թունելների և կամուրջների խնդիր է առաջանում», - ասաց բանախոսը:
Նրա փոխանցմամբ՝ այսօրվա դրությամբ պայմանավորվածություն կա Ասիական զարգացման բանկի հետ երրորդ տրանշի ՝ Գյումրի- Թալին հատվածի շինարարության շուրջ, և մրցույթը նախատեսվում է մարտ ամսին:
«Այս տրանշը կազմում է 180 միլիոն դոլար, ուղղակի ուզում ենք Եվրոպական ներդրումների բանկին էլ ներգրավենք ֆինանսավորման մեջ, որպեսզի շատ գումարներ ազատենք դեպի հարավային ուղղություն տեղափոխելու համար», - ասաց տնօրենը, նշելով, որ 2017 թվականի հունիսին Ասիական զարգացման բանկի հետ վարկային ծրագիրը ավարտվում է:
«Ըստ այդմ՝ Երևան - Արտաշատ և Երևան –Աշտարակ ճանապարհահատվածները նախատեսում ենք հանձնել մինչև 2014 թվականի հունվար, բայց մյուս հատվածները 2017 թվականից շուտ հանձնել տեխնիկապես հնարավոր չէ: Ընդհանուր առմամբ՝ Բավրայից Արարատ հատվածը շահագործման կհանձնվի արդեն 2018 թվականին: Մնացած հատվածը կախված է լուծումներից», -ասաց Արա Հովսեփյանը:
