Ադրբեջանցիների մասնակցությունը սիրիական պատերազմին. Իրանական մամուլի անդրադարձը
Ադրբեջանցի երիտասարդները վահաբիների կողմից մասնակցում են սիրիական պատերազմին:
Այդ մասին նշված է իրանական «արասթաբար.իռ» կայքում թողարկված հոդվածում:
Իրանական աղբյուրը, հղում կատարելով «ֆակտ խաբարին» նշում է, որ Ադրբեջանի Սումգայիթ քաղաքում գործող իսլամի սալաֆիական-վահաբիական ուղղությանը հետևող մարզիչներն իրենց սաներին նախ ծանոթացնում են սալաֆիական ուսմունքի հետ, այնուհետև հատուկ դասընթաց անցնելուց հետո նրանք ուղարկվում են Սիրիա կռվելու:
Վերջերս իրանական «արաննյուզ.իռ» կայքը հաղորդել էր, որ Ադրբեջանը Թուրքիայի միջնորդությամբ Սիրիայի ահաբեկիչներին 500 հազար եվրո օգնություն է հատկացրել: Իսկ ավելի ուշ, իրանական «ՖԱՐՍ» լրատվական գործակալությունը հաղորդել էր, որ Թուրքիայի հետախուզական կազմակերպությունը «Ալ-Քաիդայի» և «Թալեբան» խմբավորումների 93 անդամի է (Սաուդյան Արաբիայի, Քուվեյթի, Եմենի, Աֆղանստանի, Պակիստանի և Ուզբեկստանի քաղաքացիներ) տեղափոխել Ստամբուլ:
Հավելենք, նաև, որ 2012թ. հոկտեմբերի 19-ին «Ազատություն» ռադիոկայանը, հղում անելով Սիրիայի «ՍԱՆԱ» պաշտոնական լրատվական գործակալությանը, նշել էր, որ Հալեպում զինծառայողների և ահաբեկչական զինված խմբավորման միջև տեղի ունեցած մարտի ընթացքում սպանվել էր Ադրբեջանի քաղաքացի Հասին Ղազլին: Նոյեմբերի 9-ին իրանական «արաննյուզ.իռ» կայքն էլ հաղորդեց, որ Հալեպում Սիրիայի կառավարական ուժերի և ահաբեկչական խմբավորումների միջև տեղի ունեցած բախումների արդյունքում տասնյակ ահաբեկիչներ են սպանվել, որոնցից մեկը եղել է Ադրբեջանի Հանրապետության քաղաքացի:
Նախորդող տեղեկատվություն՝
Իրանական կայք. Սիրիայում սպանված ահաբեկիչներից մեկն Ադրբեջանի քաղաքացի է
Իրանցի գեներալ. Ադրբեջանի Հանրապետությունը վերածվել է տարածաշրջանի ահաբեկիչների կենտրոնի
«ՄԵՀՐ». Հակաիրանական գործունեություն ծավալող «Մոնաֆեղին» ահաբերկչական խմաբավորման շուրջ 2000 անդամներ կտեղայվեն Ադրբեջանում
Սիրիայի մեծ խաղի հաղթողները Իրանն ու Ռուսաստանն են. Հայացք Թեհրանից