Ձեր վստահելի աղբյուրը

«Եղած քաղաքաշինական օրենքները, նորմերը թույլ են տալիս, որ մենք շատ լավ աշխատենք, սակայն առօրյա կյանքում այդ օրենքները ոտնահարված են լինում սեփականատերերի, հաճախ իշխանական որոշ խմբերի կողմից»,- ասուլիսում նման դիտարկում արեց ճարտարապետների միության նախագահ Մկրտիչ Մինասյանը:

Նա քաղաքացիական ակտիվության կոչ արեց այս վիճակը վերացնելու համար ու նշեց օրինակներ («Մոսկվա» կինոթատռրոնի ամառային դահլիճ, Մաշտոցի պուրակ և այլն):  Օրինակ բերեց նաև Փակ շուկան. չնայած Երևանի քաղաքապետարանի, մշակույթի նախարարության հրամանի` կանգնեցնել ապօրինի շինարարությունը, «բայց ամեն օր այնտեղ կատարվում են շինարարական աշխատանքներ»: «Մեր ամենացավալի տեղ էն, որ կան ուժեր, որոնք օրենքից բարձր են կանգնած, այլապես մեր օրենքները թույլ են տալիս քաղաքը տնօրինել այնպես, ինչպես պետք է»,- ասաց Մ. Մինասյանը:

Երևանի կարևորագույն հիմնախնդիրները ճարտարապետը համարում է կանաչ տարածքների քչությունը, շինությունների առատությունը: Ըստ նրա, նորակառույցները սեյսմակայուն են, շինարարության ընթացքում հետևել են սեյսմիկ նորմերին, բայց մեծ շատ խիտ են կառուցված, ինչը վտանգավոր է: