Ձեր վստահելի աղբյուրը

«Երևանյան հեռանկարներ» միջազգային երաժշտական փառատոնի շրջանակում երևանցիները նախօրեին երեկոյան հնարավորություն ունեցան վայելել դասական երաժշտությունը աշխարհի ամենահայտնի նվագախմբի մատուցմամբ` Երևանում կայացավ Վիեննայի ֆիլհարմոնիկ նվագախմբի ելույթը:

Համերգը ևս մեկ անգամ եկավ ապացուցելու, որ երևանցիների համար մշակութային կյանքին հաղորդակից լինելը առօրյայի անբաժան մաս է կազմում ու անգամ երբ հնարավոր չէ տոմսեր գնել` թե դրանց բարձր արժեքի (տոմսերի գինը տատանվում էր 30-60 հազարի), թե, առաջնային, շատ դրանց արագ սպառվելու պատճառով, նրանք գերադասում են կլորիկ գումար վճարել ու երեք ժամանոց համերգն անցկացնել ոտքի վրա, միայն թե հնարավորություն ունենան ունկնդրել համաշխարհային ճանաչում ունեցող նվագախումբին:

Ի դեպ, համերգի մեկնարկը անակնկալ էր հանդիսատեսի համար` 11 «Գրեմմի» մրցանակների արժանացած ամերիկացի հռչակավոր դիրիժոր Մայքլ Թիլսոն Թոմասը այն սկսեց Հայաստանի օրհներգով:

Նշենք, որ փառատոնն անցկացվում է ՀՀ նախագահ Սերժ Սարգսյանի հովանու ներքո, ՀՀ մշակույթի նախարարության աջակցությամբ:

Նախորդիվ`  Վիեննայի ֆիլհարմոնիկ նվագախումբը Երևանում է (լուսանկարներ)

Լուսանկարներ:

Լուսանկարներն` այստեղ