Շարմազանովը` Տիգրան Սարգսյանի` վարչապետ վերանշանակվելու մասին

Քաղաքական 21:56 18/04/2013

Շարմազանովը` Տիգրան Սարգսյանի` վարչապետ վերանշանակվելու մասին

Այսօրվա ՀՀԿ ԳՄ նիստը նախագահել է ՀՀԿ առաջնորդ, ՀՀ նախագահ Սերժ Սարգսյանը:

Նիստի ավարտին լրագրողներին հետ ճեպազրույցի ընթացքում ՀՀԿ մամուլի խոսնակ Էդուարդ Շարմազամովը նշել է, որ ԳՄ նիստում քննարկվել է երկու հարց՝ ՀՀ կառավարության ձևավորման և Երևանի ավագանու ընտրությունների հարցը:

Հիշեցնենք, որ ԳՄ-ն միաձայն որոշում է կայացրել ՀՀ վարչապետի պաշտոնում առաջադրել Տիգրան Սարգսյանի թեկնածությունը:
«ՊՆ նախարարի պաշտոնում առաջադրվել է Սեյրան Օհանյանը, իսկ ԱԳ նախարարի պաշտոնում Էդուարդ Նալբանդյանը»,- ասաց նա:

Ըստ նրա` ԳՄ-ի նիստում կառավարության այլ անդամների թեկնածությունների հարցը չի քննարկվել:

Շարմազանովը նշեց, որ այս կառավարությունը, ինչպես նաև աշխարհի այլ կառավարություններ անթերի չէ, սակայն Տիգրան Սարգսյանը կարողացել է իրականացնել ՀՀ նախագահի հանձնարարականը՝կապված Հայաստանի տնտեսական աճի 7 %-ի ապահովման հետ:

«Մենք համամիտ ենք այն կարծիքի հետ, որ Տիգրան Սարգսյանի կառավարությունը լուծել է իր առջև դրված խնդիրները»,- նշեց Շարմազանովը:

«Մենք քննարկել ենք նաև Երևանի ավագանու ընտրությունների հետ կապված քարոզարշավը և մեր թեկնածուի քաղաքական կամպանիան և Տարոն Մարգարյանի հանդիպումները բավարար ենք գնահատում»,- նշեց Էդուարդ Շարմազանովը ՀՀԿ ԳՄ-ի ավարտից հետո լրագրողների հետ ճեպազրույցի ընթացքում:

Նա նշեց, որ միասնական, համախմբված աշխատանքի դեպքում Տարոն Մարգարյանը ունի բոլոր շանսերը վերընտրվելու Երևանի քաղաքապետի պաշտոնում:

Անդրադառնալով լրագրողների այն հարցին, թե արդյոք նա ունի լարված հարաբեություններ ԱԺ նախագահ Հովիկ Աբրահամյանի հետ Շարմազանովը պատասխանեց, որ ինքը փայլուն հարաբերություններ ունի Հովիկ Աբրահամյանի հետ և այդպիսի լուրերին ինքը աշխատում է հումորով վերաբերվել:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: