Ձեր վստահելի աղբյուրը

«Ինձ թվում է՝ մենք վերադառնում ենք անցյալ դարի սկիզբ, երբ կեղտոտ բոլշևիկների կողմից մեր հողերը հանձվեցին ուրիշներին, ահագին տարիների հետո ստիպված եղանք արյան գնով հետ բերենք: Պատմությունը կրկնվում է»,- լրագրողների հետ հանդիպման ժամանակ նման դիտարկում արեց ազատամարտիկ, Հայաստանի Կասկադյորների ազգային ասոցիացիայի նախագահ Արմեն Պետրոսյանը՝ խոսելով Սյունիքի արոտավայրերը թրքախոս իրանցիներին վարձակալությամբ տալու պայմանավորվածության մասին:

Նա նշեց, որ ինքը հստակ տեղեկատվություն չունի, թե արդյոք նման պայմանավորվածություն կա, թե ոչ, բայց նկատեց. «Ծուխն առանց կրակի չի լինում»: Նա բացասական է գնահատում նման քայլն ու վտանգներ է տեսնում: «Մենք կարողացանք արցախյան ազատամարտի ժամանակ ինչ-որ բան անել: Վստահ չեմ, որ մեր երեխաները վաղը, մյուս օրը ստիպված չեն լինի այդ հողերն էլ ազատագրեն արյան գնով: Այդ սխալն այսօր չպետք է արվի: Ամեն ինչ չի կարելի վերածել բիզնեսի»,- ասաց ազատամարտիկը:

Ա. Պետրոսյանի խոսքով, այդ հողերը կարող են օգտագործել մեր գյուղացիները՝ շենացնելով ոչ միայն իր իրենց գյուղներն ու ընտանիքները, այլ նաև մեր երկիրը: Նրա կարծիքով, մեր ժողովուրդը ոչ մի օգուտ չի քաղելու դրանից, ընդհակառակը...:

Ազատամարտիկ, բնապահպան Ապրես Զոհրաբյանն էլ նախ նշեց, որ հայկական կողմից հաճախ հնչող կարծիքները, թե այդտեղ գալու են ադրբեջանցիներ բնակվեն՝ «Բաքվի ռեժիմի քարոզչական ջրաղացին ջուր են լցնում»: Ըստ նրա, Բաքվի ռեժիմն ամեն ինչ անում է նրանց ներկայացնելով որպես ադրբեջանցիներ, մինչդեռ այդ թրքախոս իրանցիները լավ ինտեգրված են Իրանի սոցիալական, տնտեսակյան, կրոնական համակարգին և այդ երկրի մասն են իրենց զգում:

Այնուհետև նա մանրամասն ներկայացրեց, թե ինչ բացասական հետևանքներ կարող է ունենալ, եթե իրանցիները գան ու սկսեն ոչխարաբուծությամբ զբաղվել Սյունիքի արոտավայրերում՝ բնապահապանական, առողջապահական, տնտեսական, սոցիալական, ազգային անվտանգությանը սպառնող և այլն:

Նախորդող նորություններ`
«Հայաստանում ընդհանրապես չպետք է զբաղվեն ոչխարաբուծությամբ»… Իրանական ոչխարները` սպառնալիք Հայաստանի անվտանգությանը

ԻԻՀ Արևելյան Ատրպատական նահանգից հունիս ամսին 6 ամիս ժամկետով 10.000 գլուխ անասուն կտեղափոխվի Սյունիք

ՀԽ. Հայաստանյան արոտավայրերի տրամադրման մասին որևէ պայմանավորվածություն առոչինչ է

Ա. Բաղդասարյան. Սյունիքի արոտավայրերի վարձակալությունը կհանգեցնի բնապահապանական խնդիրների

ՀԱՐՑԱԴՐՈՒՄ. Պետությունը վարկ է վերցնում հողի համար ու այն վարձով տալիս ուրիշի

Հայկական կողմը չգիտի՞ ինչ անի

Սյունիքի արոտավայրերը` Իրանին. Ինչքա՞ն տարածքի, ի՞նչ գնի ու ժամկետի մասին է խոսքը