Ձեր վստահելի աղբյուրը

Րաֆֆի և Արմենուհի Հովհաննիսյանները ցավակցական խոսք են հղել «ՍիվիլՆեթ»-ի աշխատակցի ու նրա կնոջ մահվան կապակցությամբ: Այս մասին հայտնում են Րաֆֆի Հովհաննիսյանի շտաբից:

«Ալենի և Սոսեի ընտանիքին, բոլոր մերձավորներին
Հայաստան և աշխարհ

Վշտակից բարեկամներ,

Հայրիկիս լավագույն ուսանողն էր, ճշմարիտ մտավորական:

Որդուս՝ հայրենակիցը, բարեկամը և ռահակից զինվորը:

Մենք՝ ես և Արմենուհին, նրա սերնդի համեստ ուղեցույցն էինք, և ինքը՝ ժամանակին մեր՝ Հայաստան տեղափոխվելու վառ հիշեցումը:

Նա, ինչպեսև մենք, եկավ հանուն սիրո ու պայքարի:

Ալեն Եկիկյանն ու Սոսե Թոմասյանը ամուսնացան Հայաստանում և միասին հավատում էին, որ կհաջողեն Հայրենիքում: Մինչև վերջ հավատում էին, որ կհաջողի նաև Հայաստանը:

Աղոթում ենք Աստծուն, մեր սրբազան ավանդույթի համաձայն, որպեսզի լուսավորի իրենց միասնական հոգին և կիսում ենք այս խորը վիշտն ու սարսափելի կորուստը մեր ազգի համար: Մենք կշարունակենք նաև Ալենի ու Սոսեի փոխարեն սիրել և պայքարել հանուն իրենց երազած Հայաստանի:

Մենք պարտավոր ենք:

Միշտ միասին՝

Րաֆֆի և Արմենուհի Կ. Հովհաննիսյաններ»:

Նախորդող հրապարակում`
Ավտովթարից զոհվել է ՍիվիլՆեթի աշխատակիցը և նրա կինը