Ձեր վստահելի աղբյուրը

Կառավարության շենքի դիմաց ցուցարարները խոստանում էին բացել կառավարության շենքի մուտքը, եթե վարչապետ Տիգրան Սարգսյանը ցած իջնի ու հանդիպի իրենց հետ:

Սակայն հերթապահություն իրականացնող ոստիկաններների շարքերը համալրվեցին, ինչից հետո նրանք հրելով ցած իջացրեցին բողոքի ակցիայի մասնակիցներին կառավարության մուտքի դիմացի հարթակից: Այժմ շենքի դիմաց հրմշտում են միմյանց, սակայն մուտքը բաց է: Ցուցարարները անձրևանոցներ ու այլ իրեր նետեցին ոստիկանների ուղղությամբ:

Երևանի փոխոստիկանապետ Վալերի Օսիպյանը բանակցում է ցուցարարների հետ:

Օսիպյանը կոչ է անում չչարաշահել ոստիկանության համբերությունն ու հանդուրժողականությունը, քանի որ եթե ոստիկանները հետևեն օրենքի տառին, ապա ստիպված են լինելու շատերին բերման ենթարկել: Սակայն իրենք, ըստ Օսիպյանի, կարողանում են գնահատել իրավիճակը և չգնալ այդ քայլին:
Սակայն ցուցարարները Օսիպյանից պահանջեցին մտնել վարչապետի մոտ ու նրան հորդորել հանդիպել ցուցարարների հետ:
Օսիպյանն այդ պահանջին արձագանքեց, թե ինքը իրավասու չէ նման բան անել:

Այստեղ են «Ժառանգության» ներկայացուցիչներ Արմեն Մարտիրոսյանը, Զարուհի Փոստանջյանը, Դավիթ Սանասարյանը և այլք:

Նախորդող հրապարակում`

Բողոքի ակցիայի մասնակիցները փորձում են մտնել կառավարության շենք. Ոստիկանները փակել են մուտքը