Ձեր վստահելի աղբյուրը

«Այ դու էլ խելքի կգաս, մյուսն էլ, մյուսն էլ: Էս ծրագիրը որ ընդունվեց, կհասկանաք, որ իրոք կարելի ա մարդ մնալ, լավ մարդ դառնալ»,- այսօր Ազգային ժողովում լրագրողների հետ ճեպազրույցում անդրադառնալով կառավարության ծրագրի մասին հարցին հայտարարեց ԱԺ Հանրապետական խմբակցության պատգամավոր Մհեր Սեդրակյանը (Թոխմախի Մհեր):

Ներկայացնում ենք ճեպազրույցից հատված.

-Կհաջողվի՞, օրինակ, այդ ծրագրով կասեցնել արտագաղթը:
-Էդ հարցերը գնացեք ավելի կոմպիտենտնի մարդու տվեք, յանի ինձ ասում եք, ես ի՞նչ պատասխանեմ:

-Դուք պատգամավոր եք, ձեր կարծիքն ասեք:
-Այո, այո:

-Ձեզ մտահոգո՞ւմ է, որ արտագաղթ կա Հայաստանից:
-Բոլորիս էլ մտահոգում ա, բայց ինչ անենք, մարդիկ գնում են, իրանց ըտենց ա պետք, ըտենց են անում:

-Ինչո՞ւ են գնում ձեր կարծիքով:
-Էն աշխատանքը, որ կատարում են դրսում, եթե ստեղ դրա 50 տոկոսն աշխատեն, իրանք ավելի լավ կապրեն, քան թե տենց գնան, դուրսը ծառայեն, նոքարություն անեն: Թող մնան ստեղ, դրա 50 տոկոսը կաշխատեն և լավ կապրեն:

-Բա լավ, մարդիկ չե՞ն հասկանում դա, գուցե աշխատանք չկա՞:
-Մենք սովոր ենք գնալ-գալ ըտենց, մեր ազգը սովոր ա:

-Գազի գնի թանկացումն, ըստ ձեզ, ինչպե՞ս կազդի ժողովրդի սոցիալական վիճակի վրա:
-Դե գազի գինն աշխատում են իր հնարավորության չափով: Կարո՞ղ ա գազը մեր մոտից ա դուրս գալիս, որ մենք դրա գները որոշենք: Ռուսական պետություն ա, ինքը ոնց ուզենա, ըտենց կանի: Ընդամենը պետք ա բանակցություններ, որպեսզի մի քիչ չափի մեջ բարձրանա:

-Դուք ինչո՞ւ Մարտի 1-ի ժամանակավոր հանձնաժողով ստեղծելուն դեմ քվեարկեցիք:
-Շատ լավ արեցի` որ հարցը տայիր: