«Հանգիստ խոսա, քեզ ասում եմ». Ռոբերտ Նազարյանը` Արշակ Սադոյանին. գազի սակագնի վերաբերյալ հանրային լսումները հետաձգվեցին
«Դահլիճային պայմաններում աշխատանքային քննարկում չի լինում, դահլիճները ժողովների, միտինգների համար են նախատեսված»,- 10 րոպեով ընդմիջված աշխատանքային քննարկումը վերսկսելով ասաց ՀՀ հանրային ծառայությունները կարգավորող հանձնաժողովի նախագահ Ռոբերտ Նազարյանը: Հիշեցնենք, որ այսօր նախատեսված էր սպառողներին վաճառվող գազի և էլեկտրաէներգիայի սակագների վերանայման վերաբերյալ աշխատանքային քննարկում, որին փորձում են խոչընդոտել հասարակական կազմակերպությունների ներկայացուցիչներն ու ակտիվիստները` բողոքելով, որ դրսում կան բազմաթիվ մարսիկ, ովքեր քննարկմանը մասնակցելու համար գրանցվել են, սակայն նրանց թույլ չեն տալիս ներս մտնել, քանի որ ՀԾԿՀ-ի դահլիճը փոքր է:
«Մենք հավաքել ենք հանրությանը ներկայացնելու գազի սակագնի բարձացման վերաբելյալ «ՀայՌուսգազարդ» ընկերության առաջարկը ՀՀ հանրային ծառայությունները կարգավորող հանձնաժողովին, ինչպես նաև` Հանձնաժողովի մոտեցումները, որպեսզի քննարկվող մասնագիտական հարցերը ԶԼՄ-ների միջոցով հասու լինեն հանրությանը: Խնդրում եմ` հարգենք մեկս մյուսին»,- ասաց Ռոբերտ Նազարյանը` հավելելով, որ ավելի քան 15 տարի աշխատել են այս պայմաններում և որևէ խնդիր չի առաջացել:
Այնուհետև Տ.Նազարյանն առաջարկեց գնալ մեկ այլ դահլիճ, որն ավելի մեծ է, սակայն ակտիվիստները պնդեցին, որ համաձայն չեն այդ առաջարկի հետ և պահանջում են քննարկումը կազմակերպել այնպես , որ հնարավորինս մեծ թվով մարդիկ մասնակցեն: Ի պատասխան` Ռ.Նազարյանը նշեց. «Մենք ձեր համաձայնությամբ չենք աշխատում, մենք օրենքով ենք աշխատում: Նշանակում է, որ երեք միլիոն հայերի կարծիքը հաշվի առնելով պիտի աշխատեմ»: Հանձնաժողովի նախագահն ասաց, որ վաղվանից աշխատանքային խմբեր կկազմեն և տարբեր օրերի քննարկումներ կկազմակերպեն, որպեսզի բոլորն էլ հնարավորություն ունենան ներկա գտնվել քննարկումներին:
Սակայն այս առաջարկը նույնպես չընդունվեց ակտիվիստների կողմից: Հանրային խորհրդի անդամ Արշակ Սադոյանն էլ նշեց, որ իրենք հանգանակություն կկազմակերպեն` մեծ դահլիճ վարձակալելու համար: «Հանրությանը հետարքրքող հարցի շուրջ իսկապես պետք է հանրային լսումներ կազմակերպել, բայց նույնիսկ միկրոֆոնով չեք ապահովել և անունը դնում եք հանրային լսում: Սա նշանակում է խուսափել հանրությունից: Ես 15 տարուց ավելի մասնակցել եմ ձեր աշխատանքերին և այդ լսումները միշտ էլ հանրության շրջանում դժգոհության մեծ ալիք են բարձրացրել»,- ասաց Ա.Սադոյանը:
Ռ.Նազարյանն էլ իր հերթին ավելացրեց, որ ինքը ոչ թե ձևի, այլ բովանդակության կողմնակից է, ուստի պատրաստ են ամեն օր քննարկում կազմակերպել: «Որքան էլ մեծ դահլիճ վերցնենք, միևնույն է` չի բավարարելու: Ինչի է թվում` 150 հոգանոց դահլիճում հնարավոր կլինի քննարկում կազմակերպել: Ես չեմ ցանկանում մեծ դահլիճ վերցնել, որպեսզի շոուի մասնակից չդառնանք»,- նշեց Ռ.Նազարյանը:
Հանձնաժողովի նախագահի այս միտքն էլ ավելի վրդովվեցրեց ակտիվիստներին:
Արշակ Սադոյանն էլ վրդովված բողոքեց, թե եթե վերևում կար ավելի մեծ դահլիճ, ապա ինչու նախապես այդ դահլիճում քննարկումը չկազմակերպեցին: Սադոյանը գոռում էր, իսկ Նազարյանը նրան ասում էր, որ ցածր խոսի: Սակայն Սադոյանը սկսեց էլ ավելի բարձր գոռալ: «Հանգիստ խոսա, քեզ ասում եմ»,- ասաց Նազարյանը` փորձելով կարգի հրավիրել Սադոյանին: Ռ.Նազարյանը նշեց, որ այս պայմաններում հնարավոր չէ քննարկումը շարունակել և առաջարկեց այն ավարտել:
Սադոյանն էլ առաջարկեց քննարկումը կազմակերպել Հանրային խորհրդում, սակայն այս առաջարկին չարձագանքեց Ռ.Նազարյանը և լքեց դահլիճը:
Գազը չպետք է թանկանա. Ակցիա հանձնաժողովի դիմաց (Լուսանկարներ)
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
