Ձեր վստահելի աղբյուրը

 «Բի-Բի-Սի» լրատվական գործակալությունում զետեղվել է տեսանյութ, որում անդրադարձ է կատարվում Ռամիլ Սաֆարովին և գրող Աքրամ Այլիսլիին:

«Այս շաբաթվա թեման նախկին սովետական հանրապետության` Ադրբեջանի հերոսների և ոճրագործների մասին է: Ի՞նչ է մարդասպան Ռամիլ Սաֆարովն արել, որ արժանացել է հերոսի կոչման: Եվ ինչո՞ւ է Ադրբեջանի կառավարությունն երկրի առաջատար գրողներից մեկին` Աքրամ Այլիսլիին դարձրել հասարակության ատելության թիրախ: Ինչի՞ մասին է խոսում Ադրբեջանի՝ տասնամյակ շարունակվող դժգոհությունը հարևան Հայաստանի նկատմամբ»,- հարցադրում է անում գործակալությունը:

Գործակալությունը հիշեցնում է, որ ԱՄՆ Կոնգրեսը դատապարտել էր, Սաֆարովին որպես հերոս դիմավորելու ու նրան ներում շնորհելու որոշումը, ինչից անմիջապես հետո Հայաստանը խզեց դիվանագիտական հարաբերությունները Հունգարիայի հետ:
Տեսանյութում նաև նշվում է, որ գրող Աքրամ Այլիսլիի կնոջն ու տղային աշխատանքից ազատել են:

«Մենք պարտվողներ եք, և դա մեծացնում է դժգոհությունը: Ամբողջ քարոզարշավը դրանում է կայանում: Եվ միակ փաստն այն է, որ մենք պարտվել են պատերազմում: Մենք հիմա մեր երեխաների մոտ սերմանում ենք դժգոհություն: Եթե խաղաղություն չհաստատվի, այս ամենը շարունակվելու է»,- «Ազատություն» ռադիոկայանի ադրբեջանական ծառայության թղթակից Խադիջա Իսմայիլովայի խոսքերն է մեջբերել գործակալությունը: