Ձեր վստահելի աղբյուրը

Այսօր առավոտյան Հայաստանի ազգային հավաքականը և մեր ֆուտբոլային պատվիրակությունը չարտերային չվերթով մեկնեցին Դանիա: Հունիսի 11-ին, Երևանի ժամանակով ժամը 22:15-ին Կոպենհագենի «Պարկեն» մարզադաշտում հայաստանյան ընտրանին կանցկացնի 2014 թ. աշխարհի առաջնության ընտրական փուլի հերթական հանդիպումը Դանիայի հավաքականի հետ: Մեր թիմը կհանգրվանի «Հիլթոն Կոպենհագեն Այրփորտ» հյուրանոցում:

Հունիսի 10-ին Հայաստանի ազգային ընտրանին կանցկացնի նախախաղային մարզում Կոպենհագենի «Պարկեն» մարզադաշտում: Մարզումից առաջ կկայանա Հայաստանի ազգային հավաքականի գլխավոր մարզիչ Վարդանի Մինասյանի մամուլի ասուլիսը: Այս մասին հայտնում է ՀՖՖ մամուլի քարտուղարությունը:

Ստորև ներկայացնում ենք այն ֆուտբոլիստների ցուցակը, ովքեր կնախապատրաստվեն Դանիայի ազգային թիմի հետ խաղին:

Դարպասապահներ

Ռոման Բերեզովսկի, «Դինամո» Մ., Ռուսաստան
Գևորգ Կասպարով, «Զոբ Ահան», Իրան
Արթուր Հարությունյան, «Շիրակ»

Պաշտպաններ

Ռոբերտ Արզումանյան, «Ակտոբե», Ղազախստան
Վալերի Ալեքսանյան, «Սանաթ Նաֆթ», Իրան
Կամո Հովհաննիսյան, «Փյունիկ»
Տարոն Ոսկանյան, «Փյունիկ»
Վարազդատ Հարոյան «Փյունիկ»
Արտյոմ Խաչատուրով, «Շերիֆ», Մոլդովա
Արթուր Ավագյան «Գանձասար»

Կիսապաշտպաններ

Կառլեն Մկրտչյան, «Մետալուրգ» Դոնեցկ, Ուկրաինա
Դավիթ Մանոյան «Փյունիկ»
Արթուր Եդիգարյան, «Գովերլա», Ուկրաինա
Արաս Օզբիլիս, «Կուբան», Ռուսաստան
Հենրիխ Մխիթարյան, «Շախտյոր», Ուկրաինա
Մարկոս Պիզելի, «Կրասնոդար», Ռուսաստան
Գևորգ Ղազարյան, «Մետալուրգ», Դոնեցկ, Ուկրաինա
Նորայր Ասլանյան, «Էմմեն», Հոլանդիա
Արթուր Յուսպաշյան, «Փյունիկ»

Հարձակվողներ

Էդգար Մանուչարյան, «Ուրալ», Ռուսաստան
Յուրա Մովսիսյան «Սպարտակ», Մոսկվա, Ռուսաստան
Արթուր Սարկիսով, «Վոլգա», Ռուսաստան
Սարգիս Ադամյան «Հանզա», Գերմանիա