Ձեր վստահելի աղբյուրը

Հայազգի խոշոր բիզնեսմեն, «ԲԱՄՕ» ընկերության սեփականատեր Հովիկ Մուրադյանի սպանության գործը հետաքննող քննիչները սպանությունը կապում են նրա բիզնեսի հետ և համարում, որ այն պատվերով սպանություն էր: Ինչպես գրում է «Известия»-ն, սպանությունը կատարողներին փնտրում են իր հայրենակիցների մեջ. նրա դանակահարությունը, ըստ գործը քննող քննիչների, էթնիկական ձեռագիր ունի:

51-ամյա Հովիկ Մուրադյանին, որը Իրաքում Հայաստանի արտակարգ և լիազոր դեսպան Մուրադ Մուրադյանի եղբայրն էր, սպանել էին հունիսի 11-ին, Մոսկվայի Lotte Plaza հյուրանոց մուտք գործելիս: Սպանության փաստի կապակցությամբ քրեական գործ էր հարուցվել` ՌԴ Քրեական օրենսգրքի 105 հոդվածի հատկանիշներով` «սպանությունը»: Հայտնի է, որ Հովհաննես Մուրադյանը հյուրանոց էր գնացել բիզնեսի գծով իր գործընկերոջ հետ հանդիպելու համար: Մուրադյանները շինարարական «ԲԱՄՕ» կոնցեռնի ղեկավարն էին, որին, ի դեպ, պատկանում է Երևանի Կ. Դեմիրճյանի անվան մարզահամերգային համալիրը:

Գործարարի հետ կատարվածը արձանագրել էին հյուրանոցի անվտանգության համակարգի տեսախցիկները, որոնց օգնությամբ այժմ քննիչները փորձում են գտնել մարդասպանին:

Հովիկ Մուրադյանն ունի ևս երեք եղբայր` Բորիս, Հակոբ և Մուրադ: Մուրադ Մուրադյանը, որը Իրաքում Հայաստանի դեսպանն է, Հովիկ Մուրադյանի երկվորյակն է և ծնվել է նրա ծնվելուց մի քանի րոպե հետո: Հատկանշական է, որ հունիսի 12-ին նրանք պետք է նշեին իրենց ծննդյան օրը:

Մուրադյանների հիմնադրած «ԲԱՄՕ» (ի դեպ, այս անվանումը ծագել է եղբայրների անունների առաջին տառերի հապավումից) ընկերությունը հիմնադրվել է 1990-ական թվականներին: Վերջին ժամանակները Մուրադ Մուրադյանը հեռացել է բիզնեսից և նշանակվել Իրաքում Հայաստանի դեսպան:

Ըստ աղբյուրի, քննիչները կարծում են, որ Մուրադյանի սպանությունը պատվիրված է եղել և, ամենայն հավանականությամբ, եղել է նրա հայրենակիցը կամ ներգաղթյալ Կովկասից: Լրատվամիջոցը նշում է, որ առաջին հերթին քննիչները սպանության պատճառները կփնտրեն Հովիկ Մուրադյանի ընտանեկան բիզնեսի մեջ:

Ինչպես են սպանել գործարար Հովհաննես Մուրադյանին (տեսանյութը`«Lotte Plaza»-ի )

«ԲԱՄՕ»-ի հայազգի սեփականատիրոջ սպանության վարկածներ են շրջանառվում

Իրաքում ՀՀ դեսպանի եղբոր սպանության կապակցությամբ քրգործ է հարուցվել