Իրանի ՆԳ նախարար. Նախագահական ընտրությունների քվեարկության ժամկետը անպայման կերկարաձգվի
Նախագահական ընտրությունների քվեարկության ժամկետը անպայման կերկարաձգվի,-իրանական «ՖԱՐՍ» լրատվական գործակալության հաղորդմամբ հայտարարել է ԻԻՀ ՆԳ նախարար Մոսթաֆա Մոհամմադ Նաջջարը:
Համաձայն տեղեկատվության՝ ԻԻՀ ՆԳ նախարարը «Մասջեդ օլ-զադե»-ի ընտրական տեղամաս կատարած այցի շրջանակներում լրագրողների հետ հանդիպման ժամանակ մասնավորապես նշել է. «Մենք ողջ երկրում շուրջ 60 հազար ընտրատեղամաս ունենք: Հաշվի առնելով տարբեր տեղամասերից ստացված տեղեկատվությունը՝ քվերակության ժամկետը կերկարացվի»:
Շարունակելով թեման՝ Մոսթաֆա Նաջջարը նշել է. «Ընտրությունը իրավունք է, և յուրաքանչյուր քաղաքացու իրավունքն է, որպեսզի մասնակցի ընտրությանը»:
«Ամերիկացիները հայտարարում են, որ Իրանի ընտրությունները ազատ չեն» դիտարկմանն ի պատասխան, նախարար Նաջջարը պատասխանել է. «Միացյալ Նահանգները Իրանի մեծ ժողովրդի կողքին շատ փոքր են: Թշնամիներն իրենց քարոզչությամբ ջանում են, որպեսզի Իրանի քաղաքացիներին հիասթափեցնեն»:
Նախորդող հրապարակումներ՝
Իրանի հոգևոր առաջնորդը մասնակցել է նախագահական ընտրություններին. «Նույնիսկ իմ զավակները չգիտեն, թե իմ քվեն ում է պատկանում»
Իրանի նախագահական ընտրապայքարի ինտրիգն ավարտվեց. Ռաֆսանջանին և Մաշային չեն մասնակցի քարոզարշավին
Իրանում նախագահական ընտրություններից հետո հետընտրական ցնցումների հավանականությունը քիչ է. Իրանագետի մեկնաբանությունը
Իրանի նախագահական ընտրությունները կանցնեն երկու փուլով. Իրանագետի մեկնաբանությունը