Ձեր վստահելի աղբյուրը

 «Սիրիական ճգնաժամը պետք է լուծվի Սիրիայի ժողովրդի մասնակցությամբ»,-այդ մասին իրանական «ՄԵՀՐ» լրատվական գործակալության հաղորդմամբ՝ իր առաջին մամլո ասուլիսի ժամանակ հայտարարել է ԻԻՀ նորընտիր նախագահ Հասան Ռոհանին:

Լրագրողի այն հարցին, թե ի՞նչ դիրքորոշում ունի Իրանի նորընտիր նախագահը Սիրիայի հարցի առնչությամբ, Հասան Ռոհանին մասնավորապես պատասխանել է. «Սիրիական ճգնաժամի լուծումը Սիրիայի ժողովրդի պարտականությունն է: Սիրիայի ճակատագրի վերջնական որոշումը պետք է կայացնի հենց Սիրիայի ժողովուրդը: Իհարկե, մենք դեմ ենք ահաբեկչությանը, մենք դեմ ենք արտահայտվում նրան, որ որոշ երկրներ փորձում են միջամտել սիրիական ճգնաժամին: Հուսով ենք, որ տարածաշրջանի երկրների օգնությամբ Սիրիայում կրկին կտիրի խաղաղությունն ու կայունությունը, ինչն էլ ցանկանում է Սիրիայի ժողովուրդը»:

Իրանի նորընտիր նախագահը, անդրադառնալով Իրանի և Պարսից ծոցի արաբական երկրների հետ հարաբերությունների հեռանկարի վերաբերյալ «Ալ-Ջազիրայի» լրագրողի բարձրացրած հարցին, մասնավորապես նշել է. «Արտաքին քաղաքականության հիմնական առաջնահերթությունը լինելու է բոլոր 15 հարևանների հետ բարիդրացիական հարաբերություններ հաստատելը: Ինչ վերաբերում է Պարսից ծոցին, ապա այն մեզ համար ռազմավարական նշանակություն ունի: Պարսից ծոցի արաբական երկրների հետ մենք բացի հարևան լինելուց, նաև եղբայրական հարաբերություններ ունենք»:

Նախորդող հրապարակում՝

Հ. Ռոհանի. Իրանը կվարի չափավոր արտաքին քաղաքականություն

Ինչպիսի՞ արտաքին քաղաքականություն կորդեգրի Իրանի նորընտիր նախագահը. Մեկնաբանում է իրանագետ Ա.Իսրայելյանը

ԻԻՀ նախագահի թեկնածու. Ադրբեջանը Իրանի համար վերածվել է անվտանգության սպառնալիքի