Ձեր վստահելի աղբյուրը

Հայաստանում ռուսական զորքի զինավարժությունների հետևանքով Արագածոտնի մարզի Սադունց գյուղի տուժած բնակիչ Ալիխան Բրոյանին թե մարզեպտարանից, թե գյուղապետարանից խոստացել են փոխհատուցել կրած վնասը:

Հիշեցնենք, որ օրեր առաջ ռուսական զորքը զինավարժությունները որոշել էր անցկացել գյուղացուն` սեփականության իրավունքով պատկանող 7 հա մակերեսով խոտհարքում, տանկեր են աշխատել, խրամատներ փորվել: Տնակում ապրող Բրոյանը, ով խնամում է հաշմանդամ հորը, ունի մայր, կին, երեք երեխա, հույս ուներ, որ 1200 տուկ խոտ կքաղեր, կարիքները կհոգար:

«Գյուղապետարանից, մարզպետարանից եկան, տեսան: Ես ասեցի, մոտ 1200 տուկ խոտ էի ստանալու: Ինձ ասեցին, ինչքան մնացել է խոտ, քաղի, ինչ տարբերություն եղավ, մնացածը մենք կփոխհատուցենք: Թմբերի կողքերը մի քիչ մնացել է, երևի մի 200 տուկ կլինի»,-Panorama.am-ին հայտնեց Բրոյանը, ավելացնելով, որ օգոստոսի վերջ արդեն կսկսի հունձը:

Մարզպետարանի ու գյուղապետարանի աշխատակիցները խոստացել են նաև գյուղացու հողատարածքում առաջացրած փոսերը լցնել, քարերը մեջից հավաքել, նորմալ վիճակով հողը գյուղացուն վերադարձնել:

«Պայմանագիր, բան կնքնեցինք, որ նորմալ վիճակով ինձ վերադարձնեն»,-ասաց Բրոյանը:

Մարզպետարանի հողաշինության և հողօգտագործման վարչության պետ Գևորգ Օհանյանը Panorama.am-ին ասաց` ամեն ինչ նորմալ է արդեն:
«Փոխհատուցում լինելու է, իր սեփականություն էր հողատարածքը»,-ասաց Օհանյանը, ով Panorama.am-ի հետ առաջին զրույցում կտրականապես հերքեց փոխհատուցամն հնարավորությունը, գյուղացուն սուտասան որակեց, իբր հողատարածքը Ալիխան Բրոյանի սեփականությունը չի հանդիսանում:

Նախորդող հրապարակումներ`

Գյուղացու ապրուստը հողին են հավասարեցնում. «Եկեք, օգնության հասեք»

Սադունցի դեպքեր. «Գյուղապետը գլուխը բռնել է, ասում է, էս իիի՞նչ են արել»

Զորավարժանքներ. Որքան իրական տեղանք է հարկավոր դրա համար