Ազատամարտիկներ. Ազգալդյանը հորդորել է ձեռք չտալ երեխաներին կանանց ու ծերերին, չթալանել
«Ազատագրական բանակի» հրամանատար Լեոնիդ Ազգալդյանը պետականամետ ու օրենք սիրող մարդ էր: Արցախյան ազատամարտի հերոսի մասին այսպես այսօրվա ասուլիսի ժամանակ խոսեց Ազգալդյանի մարտական ընկեր, պահեստազորի գնդապետ Վոլոդյա Ավետիսյանը, շեշտելով, որ հրամանատարի սխրանքները պետք է լինեն օրինակելի, քանի որ Լեոնիդն իր կյանքը դրեց հանուն հայ ազգի, ինչպես որ պետք է անի յուրաքանչյուր հայ մարդ: Միաժամանակ, ըստ բանախոսի` Ազգալդյանը մնում էր հումանիստ և կոչ էր անում իր զինվորներին հետևել ռազմական օրենքներին:
«Նա ուղղորդում էր բոլորիս, ասում էր, որ հանկարծ հասարակ ժողովրդին չնեղենք: Այդպես դաստիարակում էր իր ջոկատը, բանակը», - պարզաբանեց նա, հավելելով, որ այդ մարդասիրությունն ու բարձր պետականամետությունն էր, որ դարձրել էին Լեոնիդին թիրախ:
«Լեոնիդը կենդանի չէր կարող մնալ, որովհետև թուրքերը աշխատում էին նրան ու այդ տեսակներին վերացնեին: Ամեն ինչ արեցին, որ նա չլիներ, չլինեին նաև Մոնթեն, Աշոտը՝ «Օսկոլկան», և ուրիշներ, որոնք պետականամետ էին ու հայ էին իսկական: Նյութը չէր նրանց կյանքի նպատակը, այլ հայոց պետության հզորացումը»,-ասաց նա, ընդգծելով, որ շատ ազատամարտիկներ փորձում են նմանվել Ազգալդյանին:
Վ.Ավետիսյանի խոսքով` նույնիսկ տեսնելով ադրբեջանցիների վայրագությունները Մարաղայում, Ազգալդյանը կոչ արեց ձեռք չտալ խաղաղ բնակչությանը, բայց խստորեն պատժել գերի ընկած զինվորականներին: «Տեսնելով, թե գյուղում ինչ պատկեր է իր զինվորներին հորդորել է վարվել նրանց զինվորների հետ ավելի դաժան, բայց ձեռք չտաք երեխաներին կանանց ու ծերերին: Իսկ իրենք մորթել էին մայր ու մանուկ, ծերերին: Նրանք չէին սպանել, այլ դաժանաբար մորթել էին», - նշեց նա:
Իր հերթին ասուլիսի մյուս բանախոս` «Ազատագրական բանակի» անդամ, ազատամարտիկ Գագիկ Գինոսյանը պատմեց, որ ջոկատ մտել է Լեոնիդ Ազգալդյանի մահվանից հետո, երբ արդեն հրամանատար էր Ալեքսանդր Թամանյան կրտսերը: Նրա խոսքով` թեև Ազգալդյանն արդեն զոհվել էր, բայց նրա ոգին մնում էր ջոկատի հետ, և նա կարողացավ հետագայում իր համար բացահայտել հրամանատարին, և մինչ օրս ապրում է նրա օրինակին հետևելով:
«Ամեն անգամ, որ գնում եմ նրա գերեզմանին, խնդրում եմ զորավարից ուժ տալ՝ ճիշտ ապրելու համար: Մենք պետք է արժանի լինենք նրա կերպարին»,- հավելեց նա:
Նշենք, որ այսօր լռանում է «Ազատագրական բանակի» հրամանատար Լեոնիդ Ազգալդյանի մահվան 21-րդ տարին:
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
