Ձեր վստահելի աղբյուրը

 Ֆրանսիայում լույս է տեսել «Petit Fute» զբոսաշրջային տեղեկատուի վեցերորդ համարը, որը նվիրված է Հայաստանին: Լեռնային Ղարաբաղի հանրապետությունն այնտեղ ներկայացված է առանձին գլխով:

«Petit Fute»- ն ամենամսյա տեղեկատու է, որը նախատեսված է ֆրանսիացի և ֆրանսախոս զբոսաշրջիկների համար: Այն տեղեկատվություն է ներկայացնում այս կամ այն քաղաքի, երկրի և տարածաշրջանի զբոսաշրջային ենթակառուցվածքների, հանգստի գոտիների և զվարճանքի վայրերի մասին:

ԼՂՀ-ի մասին պատմող գլխում խոսք է գնում երկրում զբոսաշրջության զարգացման ծրագրերի և դրա շրջանակներում համապատասխան ենթակառուցվածքների ստեղծման մասին:

Տեղեկատուն ընթերոցողներին ծանոթացնում է Լեռնային Ղարաբաղի պատմության, բնաշխարհի և ճարտարապետության հետ: Համառոտ տեղեկանք է տրվում Ադրբեջանի հետ հակամարտության, 20-ամյա բանակցային գործընթացի և ԵԱՀԿ առաքելության մասին:

Լեռնային Ղարաբաղ ուղևորվող զբոսաշրջիկներին խորհուրդ է տրվում այցելել Ստեփանակերտ, Շուշի, Գանձասար վանական համալիր, Տիգրանակերտի թանգարան, Ասկերանի ամրոց, Դադիվանք հնագույն վանական համալիր և այլն:

Տեղեկատուն ներկայացնում է Արցախում գործող հյուրանոցների, ռեստորանների Երևանից դեպի ԼՂՀ մեկնող տրանսպորտային միջոցների մասին տեղեկություններ:

Շուշիի մասին պատմող բաժնում ներկայացվում է քաղաքի պատմությունը, կրոնական և պատմամշակութային օբյեկտների ու զբոսաշրջային ենթակատռուցվածքների մասին մանրամասներ: Անհրաժեշտ տեղեկատվություն կա նաև Լեռնային Ղարաբաղի Հանրապետության տարածք մուտք գործելու կարգի վերաբերյալ:


Կից ներկայացնում ենք նաև Արցախի վերբերյալ ֆոտոշարք (Panorama.am) և տարբեր հեղինակների տեսանյութեր.

Լուսանկարներ` Շուշի, սբ. Ղազանչեչոց վանք

 Տեսանյութեր`

Հայկական մի ուրիշ  դրախտավայր` Արցախ

Արցախի տեսարժան վայրեր

Գանձասար

Դադիվանք