Խնձորը ատամների համար վնասակար է. Զգուշացնում են ատամնաբույժները

Հասարակություն 10:45 08/07/2013

Խնձորը ատամների համար վնասակար է. Զգուշացնում են ատամնաբույժները

Խնձորը ատամներին չորս անգամ ավելի վնաս է հասցնում, քան գազավորված ըմպելիքը: Այդ եզրահանգման են եկել Լոնդոնի թագավորական քոլեջի ստոմատոլոգիական ինստիտուտի գիտնականները` կատարած համապատասխան ուսումնասիրության արդյունքում:

Նույն ինստիտուտի ստոմատոլոգիական բաժնի ղեկավար, պրոֆեսոր Դէվիդ Բարտլերը նշել է, որ եթե մարդը խնձորը դանդաղ է ուտում, ապա թթվայնության բարձր մակարդակը հասցնում է վնասել ատամները: Իսկ խնձորը, կամ ընդհանրապես, մյուս ուտելիքներն արագ ուտելու հետևանքով կարելի է վնասել մարսողական օրգանները: Առողջ ատամներ ունեցողները այս հարցի շուրջ պետք է մտածեն, փոխանցում է glavnoe.ua-ն:

Ատամնաբույժները իրենց ուսումնասիրություններն անցկացրել են 18-ից 30 տարեկան շուրջ հազար մարդկանց շրջանում: Հետազոտության արդյունքում պարզվել է, որ այն մարդիկ, ովքեր խնձոր շատ են սիրում 3,7անգամ ավել ռիսկային են եղել ատամների հետ կապված խնդիրներ ունենալու հարցում:

Որոշ խնձորներում շաքարը պարունակում է չորս թեյի գդալի չափ, ինչն էլ բերանի մեջ ավելացնում է թթվայնության մակարդակը: Այդ պատճառով էլ բժիշկները խորհուրդ են տալիս ուտել խնձորը այլ մթերքների, մասնավորապես կաթնային մթերքների հետ: Այդ մթերքներում եղած կալցիումը չեզոքացնում է թթվայնությունը: Ատամները նաև կարող է փրկել ողողումը կամ սովորական խմելու ջրով, կամ հատուկ լուծույթով: Ի դեպ, նույն գիտնականները հորդորում են ատամները ուտելուց անմիջապես հետո չմաքրել, որպեսզի չփչանա թթվայնության հետևանքով փխրուն դարձած ատամի էմալը:

Բացի խնձորից, բերանի խոռոչում թթվայնություն առաջացնում են նաև անանասը, բանանը, խաղողը, կանաչ ոլոռը, կոտլետը, շիլաները և այլ ուտելիքներ: Իսկ ահա վարունգը, դդմիկը, կաղամբը, դդումը, բազուկը, գազարը, սմբուկը ատամների համար վնասակար չեն:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: